Alaksandr Karnacki ciapier adbyvaje pakarańnie.
Alaksandru Karnackamu 44 hady. Jon rodam z Maładziečanskaha rajona, apošni čas žyŭ u vioscy Asanava. Skončyŭ maładziečanskuju škołu №12, a ŭ 2003‑m — Kamandna-inžynierny instytut MNS (ciapier — Univiersitet hramadzianskaj abarony MNS).
Paśla vučoby Karnacki pracavaŭ inśpiektaram Maładziečanskaha rajonnaha adździeła MNS. U 2008 hodzie jon trapiŭ u naviny, kali kamientavaŭ znachodžańnie mabilnaha samahonnaha zavoda ŭ Maładziečanskim rajonie: «Adkryty ahoń. Mašyna mahła rvanuć u lubuju chvilinu. Upieršyniu takoje možna ŭbačyć». Paźniej jon syšoŭ ź dziaržaŭnaj słužby i apošnim časam pracavaŭ u maładziečanskaj kampanii «Fenster-ŁAKSS», jakaja zajmajecca vytvorčaściu voknaŭ PVCH i mebli na zamovu.
Alaksandr lubić kucharyć — jahony instahram całkam pryśviečany kulinarnym ekśpierymientam. Asabliva lubić stravy na adkrytym połymi. Jon fanat parody amierykanskaja akita i daŭno trymaje takich sabak.
U Alaksandra jość žonka i niepaŭnaletniaja dačka.
Karnackaha aryštavali naprykancy lipienia 2025 hoda — mienavita tady jon źnik z sacsietak. Jaho asudzili ŭ Minskim abłasnym sudzie ŭ 2026 hodzie pavodle častak 1 i 2 artykuła 361‑4 KK (sadziejničańnie ekstremisckaj dziejnaści). Padobna, pieraśled źviazany sa spravaj Hajuna.
Alaksandru prysudzili «chimiju» z nakiravańniem ci kałoniju, bo ŭ sacsietki jon tak i nie viarnuŭsia.
«Naša Niva» — bastyjon biełaruščyny
PADTRYMAĆCiapier čytajuć
Babaryka zojmiecca biznesam — užo adkryŭ kampaniju ŭ Hiermanii5
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1212
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary