У Кітаі пакаралі смерцю яшчэ чатырох членаў м'янманскай мафіёзнай сям'і
У Кітаі прывялі ў выкананне смяротны прысуд яшчэ чатыром удзельнікам бірманскай мафіёзнай сям’і Бай — адной з найбольш вядомых злачынных дынастый, якая кіравала цэнтрамі інтэрнэт-махлярства ў М’янме. Гэта ўжо другое групавое пакаранне смерцю, праведзенае ў Кітаі за апошні тыдзень, піша Бі-бі-сі.
Суд правінцыі Гуандун прызнаў вінаватымі 21 члена сям’і Бай і іх паплечнікаў. Ім інкрымінавалі махлярства, забойствы, нанясенне цяжкіх цялесных пашкоджанняў і іншыя цяжкія злачынствы. Яшчэ ў лістападзе мінулага года пяць чалавек, у тым ліку кіраўнік клана Бай Суачэн, былі прысуджаныя да смерці, аднак сам ён памёр ад хваробы ўжо пасля вынясення прысуду.
Раней, на мінулым тыдні, Кітай таксама пакараў смерцю 11 удзельнікаў іншага мафіёзнага клана — сям’і Мін. Абедзве справы з’яўляюцца часткай маштабнай кампаніі Пекіна супраць махлярскіх сетак у Паўднёва-Усходняй Азіі, ахвярамі якіх сталі тысячы кітайскіх грамадзян.
На працягу многіх гадоў сем’і Бай, Мін і іншыя кланы кантралявалі памежны горад Лаукай у М’янме, дзе займаліся кіраваннем казіно, сэкс-індустрыяй і кіберамахлярскімі кол-цэнтрамі. Паводле інфармацыі следства, сям’я Бай мела ўласныя ўзброеныя атрады і стварыла дзясяткі закрытых комплексаў, у якіх панавала жорсткасць — катаванні і збіванне былі звычайнай з’явай. Дзеянні клана прывялі да гібелі як мінімум шасці грамадзян Кітая і цяжкіх траўмаў у дзясяткаў іншых.
Злачынныя імперыі пачалі разбурацца ў 2023 годзе, калі Кітай выказаў незадаволенасць пазіцыяй м’янманскіх уладаў і фактычна падтрымаў наступ этнічных паўстанцаў у рэгіёне. У выніку мафіёзныя структуры былі ліквідаваныя, а іх удзельнікі перададзеныя КНР.
Эксперты лічаць, што апошнія пакаранні смерцю з’яўляюцца сігналам запалохвання для іншых удзельнікаў махлярскіх схем. Паводле ацэнак ААН, сотні тысяч людзей у М’янме і суседніх краінах былі прададзеныя ў рабства або сілай уцягнутыя ў інтэрнэт-махлярствы. Значную частку як ахвяр, так і пацярпелых ад фінансавых страт складаюць грамадзяне Кітая.
У Кітаі пакаралі смерцю 11 членаў сіндыката Мін. Яны кіравалі скам-цэнтрамі і казіно ў М'янме
Беларуска, вызваленая са скам-цэнтра ў М'янме: Нават калі збяжыш, невядома, каму званіць, там усё карумпавана
Хунта М'янмы правяла рэйд у адным з найбуйнейшых скам-цэнтраў. Сотні яго жыхароў уцяклі ў Тайланд
Армія М'янмы вызваліла 2198 чалавек з махлярскай скам-фабрыкі KK Park
Скам-фабрыкі ў М'янме — што гэта і як працуюць. На адну з такіх, верагодна, вывезлі і беларуску Веру
Каментары