Načalnik Hienštaba RF Valeryj Hierasimaŭ padčas vizitu ŭ punkt kiravańnia hrupoŭkaj «Poŭdzień» abviaściŭ pra «poŭnaje zaviaršeńnie vyzvaleńnia ŁNR». Heta ŭžo piataja padobnaja zajava rasijskaha boku z pačatku poŭnamaštabnaj vajny, što vyklikaje ironiju navat siarod rasijan.
Pavodle słoŭ Hierasimava, za sakavik i krasavik rasijskija vojski zaniali 34 nasielenyja punkty i kala 700 kvadratnych kiłamietraŭ terytoryi. Ahułam ža z pačatku 2026 hoda pad kantrol RF nibyta pierajšło 80 pasieliščaŭ i bolš za 1,7 tysiačy kv. km terytoryi.
«Całkam zavieršana vyzvaleńnie Łuhanskaj Narodnaj Respubliki», — abviaściŭ Hierasimaŭ.
Historyja «poŭnaha vyzvaleńnia» Łuhanskaj vobłaści nahadvaje sieryjał. U 2022 hodzie Pucin užo vinšavaŭ rasijskich vajskoŭcaŭ z «vyzvaleńniem» Łuhanskaj vobłaści.
Zatym byli pieramožnyja relacyi Pucina na «Vałdai» ŭ 2023‑m i čarhovyja «kančatkovyja» zajavy Leanida Pasiečnika ŭ červieni 2025-ha.
Navat u hetym krasaviku Minabarony RF užo paśpieła adspravazdačycca ab zachopie rehijona 1‑ha čysła — tady mnohija pryniali heta za niaŭdały pieršakrasavicki žart.
Jość surjoznyja pytańni i da terytaryjalnych pośpiechaŭ, pra jakija kaža Hierasimaŭ. Ličby rasijskaha Hienštaba ŭ razy pieravyšajuć źviestki niezaležnych analitykaŭ. Kali Hienštab RF zajaŭlaje ab 1700 kv. km z pačatku hoda, dyk prajekt DeepState fiksuje prasoŭvańnie RF na 622 kv. km za toj ža pieryjad.
Navat Z-supolnaść nie vytrymlivaje takoha infarmacyjnaha nacisku. Błohier Uładzimir Ramanaŭ adreahavaŭ na čarhovuju navinu karotkim postam sa skrynšotami papiarednich anałahičnych zahałoŭkaŭ i emodzi-kłoŭnam.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU4
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary