U Ispanii chirurhi ŭpieršyniu pierasadzili tvar ad donara, jaki pamior u vyniku eŭtanazii
U Ispanii ŭpieršyniu ŭ śviecie praviali pierasadku tvaru ad donara, jaki prajšoŭ eŭtanaziju. Apieracyja prajšła va Univiersiteckaj klinicy Val-d’Ebron u Barsiełonie i stała važnaj padziejaj u suśvietnaj miedycynie, adkryvajučy novyja mahčymaści dla składanych transpłantacyj i rekanstruktyŭnaj chirurhii, piša Euronews.
Novy tvar atrymaŭ pacyjent, u jakoha ŭ vyniku infiekcyi raźviŭsia mocny niekroz tkanak, što parušyła asnoŭnyja funkcyi — dychańnie, žavańnie i maŭleńnie. Pierasadka dazvoliła častkova adnavić źniešni vyhlad i pačać adnaŭleńnie funkcyj.
Donarka pierad śmierciu vyrazna vykazała žadańnie achviaravać svaje orhany i tkanki paśla eŭtanazii, što dało miedykam mahčymaść zahadzia spłanavać apieracyju i dakładna padrychtavać tkanki dla transpłantacyi.
Apieracyju ŭznačaliŭ doktar Žaan Pierie Baret, kiraŭnik adździaleńnia płastyčnaj chirurhii i apiokaŭ, i ŭ joj brała ŭdzieł kala sotni śpiecyjalistaŭ: chirurhi, aniestezijołahi, miedsiostry, a taksama ekśpierty ŭ mikrachirurhii, imunałohii i psichičnym zdaroŭi.
Lekar Baret adznačyŭ, što taki typ apieracyi patrabuje nadzvyčaj składanaj padrychtoŭki i praciahłaha nazirańnia, bo pierasadžvajucca skura, myšcy, niervy i kaścianyja struktury, a taksama patrebnaje pastajannaje prymianieńnie imunasupresaraŭ, kab paźbiehnuć adrynańnia donarskich materyjałaŭ.
U klinicy padkreślili, što ŭsio pravodziłasia ŭ strohaj adpaviednaści z etyčnymi i jurydyčnymi normami, i vykazali ŭdziačnaść dabračynnaści donarki i jaje siamji, bieź jakich apieracyja była b niemahčymaja.
Klinika Val-d'Ebron u Barsiełonie — adzin ź viadučych suśvietnych centraŭ transpłantacyi tvaru. U 2010 hodzie tut była praviedziena pieršaja ŭ śviecie poŭnaja pierasadka tvaru, a z taho času klinika praviała jašče niekalki padobnych apieracyj, zamacavaŭšy mižnarodnaje lidarstva ŭ składanaj rekanstruktyŭnaj chirurhii.
U Paryžy asudzili daktaroŭ, vinavatych u hibieli miljardera padčas apieracyi dla pavieličeńnia pałavoha orhana
Paśla tatuiroŭki mužčyna straciŭ usie vałasy i pierastaŭ pacieć
Letaś u Biełarusi praviali rekordnuju kolkaść transpłantacyj
Biełaruskaja fitnes-trenierka dva hady pakutavała ad nieviadomaj chvaroby. Zdajecca, jana znajšła adkaz — ale ad jaho nie lahčej
Klajmo «Słava Rasii» na žyvacie ŭkrainskaha pałonnaha vypaliŭ adzin z chirurhaŭ u danieckaj balnicy
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami14
Kamientary