У Іспаніі хірургі ўпершыню перасадзілі твар ад донара, які памёр у выніку эўтаназіі
У Іспаніі ўпершыню ў свеце правялі перасадку твару ад донара, які прайшоў эўтаназію. Аперацыя прайшла ва Універсітэцкай клініцы Валь-д’Эброн у Барселоне і стала важнай падзеяй у сусветнай медыцыне, адкрываючы новыя магчымасці для складаных трансплантацый і рэканструктыўнай хірургіі, піша Euronews.
Новы твар атрымаў пацыент, у якога ў выніку інфекцыі развіўся моцны некроз тканак, што парушыла асноўныя функцыі — дыханне, жаванне і маўленне. Перасадка дазволіла часткова аднавіць знешні выгляд і пачаць аднаўленне функцый.
Донарка перад смерцю выразна выказала жаданне ахвяраваць свае органы і тканкі пасля эўтаназіі, што дало медыкам магчымасць загадзя спланаваць аперацыю і дакладна падрыхтаваць тканкі для трансплантацыі.
Аперацыю ўзначаліў доктар Жаан Пере Барэт, кіраўнік аддзялення пластычнай хірургіі і апёкаў, і ў ёй брала ўдзел каля сотні спецыялістаў: хірургі, анестэзіёлагі, медсёстры, а таксама эксперты ў мікрахірургіі, імуналогіі і псіхічным здароўі.
Лекар Барэт адзначыў, што такі тып аперацыі патрабуе надзвычай складанай падрыхтоўкі і працяглага назірання, бо перасаджваюцца скура, мышцы, нервы і касцяныя структуры, а таксама патрэбнае пастаяннае прымяненне імунасупрэсараў, каб пазбегнуць адрынання донарскіх матэрыялаў.
У клініцы падкрэслілі, што ўсё праводзілася ў строгай адпаведнасці з этычнымі і юрыдычнымі нормамі, і выказалі ўдзячнасць дабрачыннасці донаркі і яе сям’і, без якіх аперацыя была б немагчымая.
Клініка Валь-д’Эброн у Барселоне — адзін з вядучых сусветных цэнтраў трансплантацыі твару. У 2010 годзе тут была праведзена першая ў свеце поўная перасадка твару, а з таго часу клініка правяла яшчэ некалькі падобных аперацый, замацаваўшы міжнароднае лідарства ў складанай рэканструктыўнай хірургіі.
У Парыжы асудзілі дактароў, вінаватых у гібелі мільярдэра падчас аперацыі для павелічэння палавога органа
Пасля татуіроўкі мужчына страціў усе валасы і перастаў пацець
Летась у Беларусі правялі рэкордную колькасць трансплантацый
Беларуская фітнэс-трэнерка два гады пакутавала ад невядомай хваробы. Здаецца, яна знайшла адказ — але ад яго не лягчэй
Кляймо «Слава Расіі» на жываце ўкраінскага палоннага выпаліў адзін з хірургаў у данецкай бальніцы
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам5
Каментары