Minenierha: Ludzi pavinny z razumieńniem stavicca da źnižeńnia tempieratury ŭ kvaterach
Namieśnik ministra enierhietyki Siarhiej Adamienka ŭ efiry telekanała «Biełaruś 1» raskazaŭ pra toje, jak padajecca ciapło ŭ damy padčas mocnych marazoŭ, paviedamlaje BiełTA.
Pavodle słoŭ Siarhieja Adamienki, hrafik padačy ciapła zaležyć ad tempieratury navakolnaha asiarodździa.
«My starajemsia vykonvać hetyja hrafiki, bo jany pavinny być płaŭnymi, kab nie było rezkich pierapadaŭ cisku i tempieratury, kab heta nie paškodziła ciepłatechničnaje i ciepłapieradajučaje abstalavańnie. Adnak z ulikam zaŭvahi kiraŭnika dziaržavy, jakuju my, biezumoŭna, uličyli, my zapłanavali źnižeńnie tempieraturnaha hrafika dla taho, kab nie było vialikaj nahruzki na abstalavańnie i pry hetym my mahli zabiaśpiečyć sacyjalnyja ŭmovy pražyvańnia ludziej.
Tempieratura ŭ pamiaškańniach i kvaterach hramadzian u pieryjad mocnych marazoŭ budzie niekalki źnižanaja ŭ paraŭnańni z tym, jak heta praktykavałasia raniej. Ale heta ŭsio roŭna buduć kamfortnyja ŭmovy, i hramadzianie pavinny pastavicca da hetaha z razumieńniem», — rastłumačyŭ jon.
«Biezumoŭna, ciapło budzie — plus 18 hradusaŭ i vyšej abaviazkova pavinna być. Heta sacyjalnyja standarty. Da takich niecharakternych marazoŭ, jak u hetym hodzie, my, viadoma ž, nie pryzvyčailisia. Našy hramadzianie pryvykli, što ŭ kvaterach u nas 22—25 hradusaŭ ciapła. Ale heta vialikija nahruzki na abstalavańnie», — padkreśliŭ Siarhiej Adamienka.
Pavodle jaho słoŭ, va ŭmovach zimy, kali tempieratura pavietra trymajecca kala nula hradusaŭ, nahruzki na abstalavańnie mienšyja. «Ale ciapier, kali tempieratura pavietra dasiahaje minus 20—25 hradusaŭ, na abstalavańnie stancyj i ciepłavych sietak idzie vielizarnaja, niezbałansavanaja nahruzka. My vymušanyja naładžvać režymy, kab źnizić hetu nahruzku i zachavać naša abstalavańnie», — dadaŭ namieśnik ministra enierhietyki.
«Kali tempieratura navakolnaha pavietra panižajecca, naturalna, pavialičvajecca spažyvańnie ciapła. Kali kazać pra maksimalnyja nahruzki, to my, napeŭna, dasiahnuli svajho piku za apošnija 7—8 hadoŭ — 7,3 tys. miehavat-hadzin. U minułym hodzie hety pakazčyk składaŭ 6,7 tys. miehavat-hadzin», — padsumavaŭ Siarhiej Adamienka.
Nahadajem taksama, što dva tydni tamu Alaksandr Łukašenka, kamientujučy situacyju z paškodžańniem ciepłatrasy ŭ Sucharavie, što pryviało da spynieńnia padačy ciapła ŭ niekalkich rajonach horada, prapanavaŭ źnizić tempieraturu padačy ciepłanośbita ŭ kvatery da 80 hradusaŭ.
«Nu, kali b u trubach była nie vada z tempieraturaj 90 °C, a 80 °C i cisk byŭ by mienšy, u pakoi było b krychu chaładniej. Nie 25 °C, a 20 °C. Dla doma hetaha dastatkova», — adznačyŭ tady jon.
Kamientary