«Nie chapiła adnaho bała». Maci aburyłasia, što jaje dačku nie pryniali ŭ dziasiaty kłas himnazii
U spravu ŭmiašalisia čynoŭniki. Čym skončyłasia?

Žycharka Fanipala Alena raskazała ŭ tyktoku, što jaje dačku nie zaličyli ŭ 10-y kłas himnazii. Pryčynaj stała toje, što dziaŭčyncy nie chapiła adnaho bała. Maci aburałasia, što pra niemahčymaść pieravieści dzicia joj paviedamili tolki 19 žniŭnia, kali pryjomnaja kampanija ŭžo zaviaršyłasia.
Kali žančyna pryjšła na sustreču z dyrektaram i zapytała dakumient, dzie paznačany kankretny prachadny bał, joj adkazali, što ŭ himnazii konkursnaja asnova, i bał nie nazvali. Maci dziaŭčynki paprasiła piśmovuju admovu ab zaličeńni. Jana śćviardžaje, što papieru tak i nie vydali. Dakumienty jana taksama nie zabrała.
«Abureńnie mianie raśpiraje», — emacyjna vykazałasia žančyna.
Prosto užas,niet diałoha,čtob pojti v himnaziju nužno projti sieḿ kruhov Ada,i eto nie šutka……
U kancy minułaha navučalnaha hoda na sajcie himnazii apublikavali paradak pryjomu ŭ 10-y kłas. Było vydzielena 50 miescaŭ dla dvuch profilnych kłasaŭ: z pahłyblenym vyvučeńniem matematyki i fiziki, a taksama hramadaznaŭstva i anhlijskaj movy. Dakumienty prymali z 12 červienia pa 15 žniŭnia na konkursnaj asnovie. Da konkursu dapuskalisia dzieci, jakija majuć u paśviedčańni ab ahulnaj bazavaj adukacyi adznaki nie nižejšyja za 7 bałaŭ pa kožnym z pradmietaŭ, vybranych dla vyvučeńnia na pavyšanym uzroŭni, i siaredni bał u paśviedčańni nie nižejšy za 7.
Dyrektarka himnazii Halina Majsiejčyk patłumačyła partału fanipol.by situacyju, jakaja skłałasia:
«Sioleta ŭ nas upieršyniu sfarmavaŭsia konkurs, dakumienty padavali i na dziaciej ź inšych nasielenych punktaŭ. Tak, na 50 miescaŭ pastupiła 66 zajaŭ. Pakolki ŭ 11 kłasie ŭ nas nabrałasia 46 čałaviek zamiest 50-ci, u dziasiatyja my zmahli zaličyć 54 navučencaŭ. Astatnim prapanavali pierajści ŭ siaredniuju škołu №2 Fanipala».

Adnosna terminaŭ paviedamleńnia baćkam pra vyniki dyrektar patłumačyła:
«17 žniŭnia zavieršany pryjom dakumientaŭ. 18 žniŭnia pravodziłasia pasiadžeńnie pryjomnaj kamisii ŭ 10-y kłas. I tolki tady my viedali napeŭna, chto dakładna projdzie, a chto nie. Choć papiarednie, da hetaha, my bačyli, chto nie pastupić, i ja stelefanoŭvałasia z baćkami, i ŭ pryvatnaści z Alenaj Miakotaj.
Baćkoŭ abtelefanoŭvała ŭ momant, kali ŭ kaledžach pravodziŭsia nabor na biudžetnuju formu navučańnia, kab dzieci mieli mahčymaść pastupić. Jakraz z Alenaj Uładzimiraŭnaj nam tady stelefanavacca ŭdałosia, i hety momant my prahavaryli».

Paśla apracoŭki ŭsich zajaŭ prachadny bał sfarmiravaŭsia na ŭzroŭni 24 — jon składajecca ź siaredniaha bała paśviedčańnia ab ahulnaj bazavaj adukacyi i dźviuch adznak pa profilnych pradmietach.
Da 21 žniŭnia situacyja vyrašyłasia, piša partał.
Sama maci raskazała paźniej u tyktoku, što joj pazvanili z upraŭleńnia adukacyi rajvykankama i skazali, što jaje dačku zaličyli ŭ 10-y kłas.
Błahodariu Vas moi dorohije,Vy łučšije!!!!!!biezumno sčastliva !!!!!!!!!
U ciapierašni čas himnazija źbiraje pakiet dakumientaŭ dla ŭniasieńnia źmianieńniaŭ u dziejučuju licenziju, kab pavialičyć kantrolnyja ličby naboru na treciuju prystupku navučańnia — sa 100 da 120 čałaviek. Dziakujučy hetamu ŭ navučalnym hodzie 2025/2026 buduć zaličany ŭsie dzieci, jakija padali dakumienty dla navučańnia ŭ himnazii ŭ 10-m kłasie i jakija majuć adznaki nie nižej za 7 bałaŭ.
Kamientary