Rašeńnie Hiermanii adnavić vydaču humanitarnych viz biełarusam prakamientavaŭ Leanid Marozaŭ, daradca pa pravavych pytańniach Śviatłany Cichanoŭskaj.
Jon adznačyŭ, što biełaruskija demakratyčnyja siły adrazu reahavali na navinu ab prypynieńni vydačy takich viz, a sam Ofis vioŭ pracu ź ich niamieckimi partniorami.
«My dziakujem niamieckamu Ministerstvu zamiežnych spraŭ, deputatam Bundestaha i Jeŭraparłamienta, jakija byli z nami na suviazi apošnija dni. Heta važny krok, jaki adkryje šlach da biaśpieki dla tysiač našych suajčyńnikaŭ, vymušanych pakinuć Radzimu z-za represij.
Mahčymaść humanitarnaha pryjomu ŭ Hiermanii litaralna źmianiaje losy ludziej, viartaje im nadzieju i pačućcio abaronienaści. Hiermanija zastajecca viernaj svaim kaštoŭnaściam i hatovaj dapamahać tym, chto zmahajecca za svabodu i demakratyju. Heta sapraŭdy vialikaje prajaŭleńnie čałaviečaj i palityčnaj salidarnaści», — skazaŭ jon.
U lipieni Hiermanija paviedamiła, što prypyniła vydaču humanitarnych viz, jakija atrymlivali ŭ tym liku i biełarusy. Heta rašeńnie stała častkaj bolš strohaj mihracyjnaj palityki, jakuju ŭzhadniła novaja ŭradavaja kaalicyja.
Ciapier čytajuć
«Adny vierać, što viernucca, inšyja — nie». Jak pracuje biełaruskaja škoła ŭ Polščy1
Kamientary
A skolko čiełoviek połučili eti humanitarnyje vizy do etoj "priostonovki"?
I skolko iz nich priedostavili členskij bilet CHAMAS v kačiestvie nieobchodimoho dokumienta dla połučienija dannoj vizy?