Pahonia ludziej u amunicyi za chłopcam u Minsku trapiła na VIDEA. Jana stała pryčynaj avaryi
Čytač raskazaŭ Onlíner, što staŭ vidavočcam dziŭnaj situacyi na Łahojskim trakcie ŭ Minsku. Napiarejmy patoku, jaki ruchaŭsia na chutkaści, litaralna pad koły aŭtamabilaŭ vybieh čałaviek. Za im na darohu vyskačyli ludzi ŭ amunicyi.
Vadzicieli stali tarmazić, i heta pryviało da spadarožnaha sutyknieńnia dvuch aŭto.
Čałaviek pabieh dalej, u bok parka. Jaho pieraśledvali ludzi ŭ amunicyi.
Incydent adbyŭsia 9 žniŭnia kala 17:40 u rajonie skryžavańnia Łahojskaha trakta i vulicy Hamarnika. Chto ŭciakaŭ i čamu jaho dahaniali, pakul nieviadoma. Hetyja ludzi nakiravalisia ŭ bok dyśpietčarskaj stancyi tramvajaŭ i Połackaha parka.
A voś z abstavinami DTZ usio zrazumieła pa videa: vadziciel Volvo ŭbačyŭ piešachoda i ŭžyŭ ekstrannaje tarmažeńnie, kab jaho nie źbić. Atrymałasia, i heta samo pa sabie možna ličyć cudoŭnym vyratavańniem.
Kiroŭca, jaki ruchaŭsia za Volvo (ci to Geely, ci to Belgee) taksama tarmaziŭ, ale sutyknieńnia dvuch aŭto paźbiehnuć nie ŭdałosia. Zrešty, udar nie vyhladaŭ takim užo mocnym.
— Ja nie ŭbačyŭ, ci dahnali taho čałavieka. Viadoma, vielmi cikava, čym usio skončyłasia, — raspavioŭ vidavočca. — A kiroŭcu ja pierasłaŭ zapis z rehistratara.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary