«Usio, prypłyli». Biełarusy sutyknulisia z masavymi prablemami ŭ vykarystańni PayPal
Biełarusy stali skardzicca na prablemy z vykarystańniem PayPal unutry krainy. Pa ich słovach, u apošnija dni stała niemahčyma pryviazać bankaŭskija karty da akaŭntaŭ, a taksama nie prachodziać tranzakcyi pry sprobie apłaty. Skarhi pastupajuć ad roznych karystalnikaŭ, i prablema, miarkujučy pa ŭsim, nabyła masavy charaktar, piša «Anłajnier».
Pa słovach adnaho z karystalnikaŭ, padtrymka banka BNB nie zafiksavała nijakich zvarotaŭ ad PayPal.
«Padtrymka BNB kaža, što ź ich boku pieraškod niama i taksama niama nijakich zvarotaŭ da karty padčas pryviazki abo pravierki, kab jany mahli zrazumieć pryčynu. Padobna na toje, PayPal nie moža dastukacca da hetych kartaŭ, tamu što niejki bank-pasiarednik (respandent), chutčej za ŭsio, zabłakavaŭ biełkarty».
Padobnaja situacyja ŭ klijenta Alfa-Banka.
«Tak. Z «alfaj» absalutna toje ž samaje. Da hetaha dva dni tamu ŭsio vydatna płaciłasia, karty byli paćvierdžanyja. U dadatku paćviardžeńnie nie patrabujecca, ale na sajcie vidać, što nie paćviardžajecca. Płaciažy nie prachodziać».
Niekatoryja karystalniki adznačajuć, što apłata praz PayPal prachodzić, ale nie ŭsiudy.
«U mianie takaja ž karcinka. Sprabavaŭ Visa ad Pryjorbanka i «Biełarusbanka». Što cikava — u inšaj kramie apłata praz PayPal prajšła».
«Toje ž samaje. Kartki «BNB — i ŭ rublach, i ŭ dalarach — nie prachodziać apłaty i nie vieryfikujucca. Choć na hetym tydni ŭsio vydatna pracavała, prajšło niekalki apłat».
Niekatoryja sutykajucca ź niečakanymi paviedamleńniami ab zakančeńni terminu dziejańnia karty.
«U kramie pry paŭtornaj sprobie apłaty vydaje: «Karta praterminavanaja», choć da zakančeńnia terminu dziejańnia jašče hod. Dobra choć, što heta nie tolki ŭ mianie».
Takaja ž situacyja siońnia i z Parytetbankam:
«Your card has expired. Please update it or add a new card to complete your payment («Termin dziejańnia vašaj karty skončyŭsia. Kali łaska, abnovicie jaho ci dadajcie novuju kartu, kab zaviaršyć płaciež»). Usio, prypłyli».
Adzin z karystalnikaŭ, jaki rehularna apłačvaje pieradzakazy praz PayPal, taksama sutyknuŭsia z prablemaj.
«Raniej usio pracavała — dźvie karty «Alfy» byli pryviazanyja, apłata išła paetapna. Ciapier padyšoŭ termin nastupnaha płaciažu, i PayPal pačaŭ admaŭlać, abiedźvie karty nie prymajucca. U banku skazali, što zapytaŭ navat nie pastupała — značyć, błakavańnie na baku PayPal. U padtrymku pisać biez tołku — sprabavaŭ».
Pry hetym nijakich aficyjnych kamientaroŭ pa situacyi ni ad PayPal, ni ad biełaruskich bankaŭ pakul nie pastupała. Pryčyny taho, što adbyvajecca, zastajucca nieviadomyja.
Prablemy z PayPal uźnikli nie tolki ŭ Biełarusi.
«Nakont PayPal. Znachodžusia ŭ Ispanii. Da PayPal pryviazanaja ispanskaja karta i karta Revolut. Z ranicy płaciažy nie prachodziać ni z adnoj ź dźviuch kartaŭ. Dakładniej, płaciež prachodzić, PayPal piša, što ŭsio paśpiachova, ale na samoj spravie hrošy z karty nie śpisvajucca i da atrymalnika jany nie dachodziać. Tak što prablema nie tolki ŭ Biełarusi», — paviedamlaje Siarhiej.
Kamientary