«Darmajedaŭ» pačali karać za niajaŭku na prafiłaktyčnyja mierapryjemstvy
Viadoma pra takija vypadki na Homielščynie.
Akcyja milicyi pa «adpracoŭcy niezaniatych u ekanomicy» nabiraje abaroty. Źjaviłasia pieršaje paćviardžeńnie taho, što siłaviki pačali represii ŭ dačynieńni da «darmajedaŭ», paviedamlaje «Fłahštok».
U Rahačovie paviedamili pra toje, što z 1 krasavika 2025 hoda ŭ rajonie pryciahnuli da administracyjnaj adkaznaści 12 niezaniatych u ekanomicy hramadzian «za ihnaravańnie patrabavańniaŭ supracoŭnikaŭ RAUS».
Nie ŭdakładniajecca, pa jakim mienavita artykule KaAP biespracoŭnych pryciahvali da adkaznaści i jakoje pakarańnie (štraf, aryšt, hramadskija pracy) jany atrymali. Milicyja nie maje prava patrabavać ad aficyjna biespracoŭnych, jakija trapili ŭ bazu, źjaŭlacca na «hrupavyja prafiłaktyčnaje mierapryjemstva z metaj akazańnia sadziejničańnia pracaŭładkavańniu», tamu administracyjny pieraśled «darmajedaŭ» — niezakonny.
Kali raniej niezaniatym u ekanomicy vysyłali «apaviaščeńni ab jaŭcy», to apošnim časam stali vyklikać kankretna pozvami.
Na fota z čarhovaha «hrupavoha prafiłaktyčnaha mierapryjemstva», apublikavanaha hazietaj Rahačoŭskaha rajvykankama, bačna dzicia ŭ pieršym šerahu — imavierna, baćku nie było z kim jaho pakinuć, tamu daviałosia ŭziać z saboj.
A ŭ Mazyry niadaŭniaje «prafiłaktyčnaje mierapryjemstva» skončyłasia pryciahnieńniem da prymusovaj pracy raniej sudzimych biespracoŭnych.
«Praviedziena vychavaŭčaja rabota, pryniaty miery prafiłaktyčnaha ŭździejańnia. Padulikovym rastłumačany paradak sadziejničańnia ŭ pracaŭładkavańni, prapanavany ŭsie najaŭnyja varyjanty dla pracoŭnaj zaniataści», — napisała hazieta rajvykankama.
Bolš za toje, rajvykankam zaćvierdziŭ pieralik arhanizacyj «dla pryciahnieńnia asob, nie zaniatych pracaj, jakija znachodziacca na ŭlikach u RAUS, da hramadska karysnaj pracy pa dobraŭparadkavańni i naviadzieńni paradku na abjektach sacyjalnaha pryznačeńnia (u tym liku pa ŭborcy terytoryj sacyjalna značnych abjektaŭ) u ramkach prafiłaktyčnych mierapryjemstvaŭ».
U pieralik uvajšli ŭsie sielskija vykankamy i Mazyrski rajžyłkamhas.
Pakazali miascovych «darmajedaŭ» i ŭ Čačersku. Rajonka apublikavała videa z kirmašu vakansij u Domie kultury. Pierad niezaniatymi ŭ ekanomicy taksama vystupiŭ milicyjant, a hazieta ŭdakładniła, što ŭ rajonie majecca zvyš 200 vakansij, ź ich bolš za sotniu — pa rabočych śpiecyjalnaściach.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary
Hosudarstvo sozdajet usłovija dla połnoj zaniatosti nasielenija. V słučaje niezaniatosti lica po nie zavisiaŝim ot nieho pričinam jemu harantirujetsia obučienije novym śpiecialnostiam i povyšienije kvalifikacii s učietom obŝiestviennych potriebnostiej, a takžie posobije po biezraboticie v sootvietstvii s zakonom.
Hraždanie imiejut pravo na zaŝitu svoich ekonomičieskich i socialnych intieriesov, vklučaja pravo na objedinienije v profieśsionalnyje sojuzy, zaklučienije kollektivnych dohovorov (sohłašienij) i pravo na zabastovku.
Prinuditielnyj trud zaprieŝajetsia, kromie raboty ili słužby na osnovanii sudiebnoho postanovlenija libo v sootvietstvii s zakonami o čriezvyčajnom i vojennom połožienijach.
Łukanomiki syny!
Za niavolu i za płany
Viertykalščykaŭ pahanych
Vam nie vyprastać śpiny