Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»
Viadomamu biełaruskamu śpievaku było 78 hadoŭ. Pra śmierć paviedamili jaho blizkija ŭ fejsbuku.
Pamior Jeŭdakimaŭ ranicaj 22 žniŭnia. Pryčyna śmierci nie nazyvajecca.
«Dziakuj vam, darahija hledačy, słuchačy za luboŭ da tvorčaści vialikaha artysta, za ŭvahu i apładysmienty! Dziakuj, darahija padpisčyki, za dobryja słovy i pažadańni, jakija vielmi padtrymlivali Jarasłava, davali siły i vieru, što praśpiavana šmat pryhožych piesień i žyćcio pražyta niezdarma!» — napisali blizkija artysta.
Na vybarach-2001 u Biełarusi śpiavak padtrymaŭ apazicyjnych kandydataŭ, paśla čaho jamu faktyčna zabaranili pracu ŭ Biełarusi i jamu daviałosia źjechać u Rasiju.
Ale i tam jon nie maŭčaŭ. U 2017 hodzie ŭ intervju Leninhradskamu abłasnomu internet-telebačańniu śpiavak abvinavaciŭ rasiejskija ŭłady ŭ raźviazvańni vajny na paŭdniovym uschodzie Ukrainy:
«Ja liču, što heta trahiedyja strašnaja. Ja abvinavačvaju va ŭsim Kreml, Pucina, hop-kampaniju kramloŭskuju. Ukraincy im nikoli hetaha nie darujuć. Jany zahubili maładyja žyćci, kala 10 000 čałaviek. Za što? Za što? Za što? Što, im Danbas patrebny? Krym patrebny?»
Jeŭdakimaŭ taksama nie raz vykazvaŭ dumku, što prezidenty nie pavinny kiravać krainami bolš za dva terminy.
U 2023 hodzie jaho zaŭvažyli ŭ Biełarusi: na videa, jakoje apublikavaŭ śpiavak, jon chodzić pa Minsku kala nabiarežnaj Śvisłačy ŭ parku Horkaha.
Jarasłaŭ Jeŭdakimaŭ naradziŭsia ŭ 1946 hodzie va ŭkrainskim Roŭnie ŭ turmie: jaho maci była represavanaja jak ukrainskaja nacyjanalistka, a zatym vysłanaja ŭ Narylsk. Dziacinstva Jarasłaŭ pravioŭ u dzieda ŭ vioscy Koryść u Rovienskaj vobłaści. Muzyčnuju karjeru pačaŭ u Dnieprapiatroŭsku, śpiavajučy ŭ restaranie i paralelna pracujučy na zavodzie. Tam ža paznajomiŭsia z druhoj žonkaj (pieršuju kinuŭ, nie pražyŭšy i miesiaca), jakaja była biełaruskaj, i pierajechaŭ u Minsk.
U 1975 hodzie Jeŭdakimaŭ prajšoŭ prasłuchoŭvańnie ŭ Minskaj fiłarmonii. U Minsku i ŭzyšła jaho zorka.
U 1980 hodzie ŭziaŭ udzieł va ŭradavym kancercie, na jakim prysutničaŭ kiraŭnik BSSR Piatro Mašeraŭ. Byłoha partyzana Mašerava skaryła pieśnia «Pole pamiaci» aŭtarstva Leanida Zachleŭnaha i Uładzimira Niaklajeva. Mašeraŭ rasparadziŭsia ab prysvajeńni Jeŭdakimavu zvańnia zasłužanaha artysta BSSR. U 1987-m jon atrymaŭ zvańnie narodnaha artysta.
Jarasłaŭ Jeŭdakimaŭ, choć sam nie biełarus, šedeŭralna vykanaŭ mnohija pieśni na słovy Hienadzia Buraŭkina, Uładzimira Niaklajeva. Na žal, mnohija ich navat nie čuli, bo ŭ łukašenkaŭskija časy i Niaklajeŭ, i Buraŭkin, i sam Jeŭdakimaŭ trapili ŭ čornyja śpisy. U vyniku kaniec žyćcia hetaha talenavitaha śpievaka prajšoŭ nie ŭ Biełarusi.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać13
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary
Ščyryja spačuvańni ŭsim, chto viedaŭ spadara Jarasłava. Prystojny byŭ čałaviek, choć i ź niaprostym losam. Adkryta asudziŭ hvałt i vajnu.
Adrozna jad jahonaha ziemlaka, taksama ŭkrainca Anatola Jarmolenki z Ładyžyna Vińnickaj vobłaści, jaki vyplasvaje ŭ maskvie i padlizvaje łukašenku słovami "słuchaj baćku".
https://m.youtube.com/watch?v=l1NiyfmOQbA