Ukraina paraiła biełaruskaj armii padčas vučeńniaŭ nie nabližacca da miažy
Aficyjny Minsk pieraścierahajuć ad nieabdumanych pravakacyj.
Ministerstva zamiežnych spraŭ Ukrainy apublikavała zajavu z nahody vajskovych vučeńniaŭ, jakija chutka projduć u Biełarusi. Heta vučeńni ADKB «Uzajemadziejańnie-2025», «Pošuk-2025», «Ešałon-2025» i sumiesnyja z Rasijaj vučeńni «Zachad-2025».
Ukraina padkreślivaje, što z 2022 hoda Biełaruś źjaŭlajecca saŭdzielnicaj Rasii ŭ vajennaj ahresii.
«Minsk pradastaviŭ rasijskim akupantam terytoryju Biełarusi i jaje pavietranuju prastoru dla napadu na našu dziaržavu, a taksama praciahvaje palityčnuju, vajskovuju, vajskova-techničnuju, infarmacyjnuju i inšyja vidy padtrymki Rasii ŭ jaje niespravakavanaj i złačynnaj zachopnickaj vajnie suprać Ukrainy.
Supracoŭnictva režymaŭ u Maskvie i Minsku ŭjaŭlaje niepasrednuju pahrozu nie tolki dla Ukrainy, ale i dla Polščy, dziaržaŭ Bałtyi i ŭsioj Jeŭropy, a taksama pieraškadžaje mirnym namahańniam prezidenta ZŠA Donalda Trampa pa spynieńni vajny», — pišacca ŭ zajavie.
Pakolki pierad napadam na Ukrainu ŭ 2022-m nazapašvańnie rasijskich vojskaŭ na miažy adbyvałasia pad prykryćciom sumiesnych vajskovych vučeńniaŭ, to ciapier Ukraina pjeraścierahaje Minsk ad nieabdumanych pravakacyj.
«Raim zachoŭvać razvažlivaść, nie nabližacca da miežaŭ i nie pravakavać siły abarony Ukrainy.
Padkreślivajem, što Ukraina nikoli nie składała i nie budzie ŭjaŭlać pahrozy dla biełaruskaha naroda, ź jakim my imkniomsia žyć u miry, majem ahulnaje minułaje, jakoje ŭzychodzić da kniažackaj epochi i Vialikaha Kniastva Litoŭskaha, i budučyniu — u Jeŭrapiejskaj siamji narodaŭ», — zajaŭlaje MZS Ukrainy.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza13
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary