Minčuk čuje huk lifta ŭ svajoj kvatery. Sa skarhaj jon źviarnuŭsia da čynoŭnikaŭ
Žychar kompleksu «Minsk-Śviet» śćviardžaje, što praz dva hady paśla zasialeńnia pačaŭ čuć pracu liftaŭ prosta ŭ kvatery. Sa skarhaj na pastajanny šum mužčyna dajšoŭ da asabistaha pryjomu ŭ kiraŭnika administracyi Kastryčnickaha rajona, piša Onliner.by.
Minčuk žyvie na druhim paviersie. Pavodle jaho słoŭ, raniej nijakaha dyskamfortu jon nie adčuvaŭ, ale apošnim časam staŭ vyrazna čuć huk pracy liftavaha abstalavańnia. Mienavita tamu jon upeŭnieny: prablema nie ŭ płaniroŭcy doma, a ŭ niaspraŭnaści samich liftaŭ.
Spačatku mužčyna źviarnuŭsia ŭ arhanizacyju «Chepi Płaniet». Śpiecyjalisty praviali abśledavańnie abstalavańnia i vykanali šumaizalacyju stvorak dźviarej liftavaj šachty. Adnak vynik žychara nie zadavoliŭ — šum, jak jon kaža, nikudy nie źnik.
Tady da situacyi padklučyŭsia rajonny Centr hihijeny i epidemijałohii. Śpiecyjalisty praviali zamiery ŭzroŭniu šumu, ale pieravyšeńniaŭ narmatyvaŭ nie zafiksavali. Z hetym zaklučeńniem minčanin nie pahadziŭsia i praciahnuŭ nastojvać na tym, što žyć u takich umovach niemahčyma.
Na pryjomie kiraŭnik rajona padkreśliŭ: śpiecyjalisty nahladnych orhanaŭ niasuć piersanalnuju adkaznaść za vydadzienyja zaklučeńni, tamu sumniavacca ŭ ich abjektyŭnaści padstaŭ niama. Razam z tym arhanizacyi, jakaja absłuhoŭvaje infrastrukturu, daručyli paŭtorna razhledzieć situacyju i, pry nieabchodnaści, dadatkova vykanać raboty pa šumaizalacyi.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary