U Minsku ŭžo treci raz za apošnija dni ŭźnikli prablemy z rucham tralejbusaŭ. Pavodle infarmacyi pradpryjemstva «Minsktrans», unačy ŭ roznych rajonach horada transpart spyniaŭsia z-za paškodžańnia kantaktnaj sietki, takija ž prablemy fiksujucca i na praciahu dnia.
Pačynajučy ad ranicy 14 lutaha telehram-kanał «Minsktransa» dziesiać razoŭ paviedamlaŭ pra paškodžańnie kantaktnaj sietki.
U piatnicu, 13 lutaha, takich vypadkaŭ było 27, a ŭ čaćvier — 26.
Paškodžańnie kantaktnaj sietki časta supravadžajecca jarkaj uspyškaj. Žychary Minska masava zdymajuć takija momanty na videa i vykładvajuć ich u sacyjalnyja sietki.
Niepaładki pačalisia jašče ŭviečary 13 lutaha. Ranicaj u subotu tralejbusy nie chadzili na vulicach Alibiehava, Bryla, Bryleŭskaj, Hołubieva, Niamizie, Miaśnikova, Krupskaj, Virskaj, Rusijanava, Nikifarava, Arłoŭskaj, Skrypnikava, Adzincova, a taksama na praśpiektach Puškina i Dziaržynskaha i Staravilenskim trakcie. U vyniku dziasiatki maršrutaŭ byli vymušanyja źmianić šlach ruchu i kursiravać u abjezd.
Što stała pryčynaj siońniašnich paškodžańniaŭ kantaktnaj sietki, aficyjna nie paviedamlajecca. Raniej, adnak, pieraboi ŭ pracy elektratranspartu tłumačyli składanymi ŭmovami nadvorja.
U «Mintransie» adznačali, što spynieńni tralejbusaŭ źviazanyja z pavyšeńniem tempieratury pavietra, apadkami i asiadańniem salanaha tumanu na kantaktnaj sietcy. Pad uździejańniem hetych faktaraŭ adbyvajecca praboj izalacyi ŭ kantaktnaj sietcy. U vyniku spracoŭvaje abarona, i napružańnie ŭ sietcy aŭtamatyčna adklučajecca.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»50
Kamientary