Heta naohuł pieršaje zołata Paŭdniovaj Amieryki na Zimovych Alimpijskich hulniach.
Pieramožca etapaŭ Kubka śvietu brazilski harnałyžnik Łukas Pińjejra Broten siońnia vyjhraŭ załaty miedal u hihanckim słałamie. U druhoj sprobie jon pakazaŭ čas dźvie chviliny 25 siekundaŭ. U pieršaj sprobie Broten taksama byŭ najlepšym.
Druhoje miesca zaniaŭ šviejcarac Marka Adermat, bronza ŭ šviejcarca Łoika Miejera.
Što praŭda, Łukas Piniejra Broten naradziŭsia ŭ Narviehii, jaho tata narviežac, a maci braziljanka.
Łukas doŭhi čas vystupaŭ za Narviehiju, ale potym pamianiaŭ zbornuju. Da kastryčnika 2023 hoda Łukas užo ŭvachodziŭ u elitu hornych łyž: pieramahaŭ na piaci etapach i vałodaŭ Małym kryštalnym hłobusam u słałamie.
Ale Łukas usio ž brazilec: hulaje ŭ futboł, siabruje z Ranałda (zubaścikam), tančyć sambu na śniezie.
Broten pryznaŭsia, što zaŭsiody adčuvaŭ na sabie ŭpłyŭ dźviuch kultur. Lubić brazilskuju muzyku (pryščapiła mama), havoryć pa-partuhalsku (ale ŭsio jašče padciahvaje hramatyku), a ŭ dziacinstvie chacieŭ zajmacca — čym? — viadoma, futbołam.
Ale katajecca na łyžach ź dzieviaci hadoŭ. Luboŭ jamu pryščapiŭ tata Bjorn.
Paśla spusku spartoŭcy majuć prava patelefanavać rodnym praź videasuviaź, i Łukas pazvaniŭ mamie.
Darečy, padtrymlivali jaho siońnia na trybunach dvuma ściahami: vialikimi brazilskimi i małymi narviežskimi.
Fihuryst z Kazachstana Michaił Šajdoraŭ siensacyjna vyjhraŭ zołata Alimpijady
Usie hulcy zbornaj Kanady vyjšli na lod, kali šviejcarskaha chakieista vynosili ź placoŭki
Na Alimpijadzie ŭ Miłanie vystupajuć maci i syn — upieršyniu ŭ historyi! Dla jaje heta ŭžo siomyja hulni
«Napieradzie — doŭhi šlach». Harnałyžnica Lindsi Von pieraniesła try apieracyi paśla padzieńnia na Alimpijadzie, joj treba jašče minimum dźvie
Kamientary