Na nastupnym tydni budzie niaŭstojlivaje nadvorje z marazami i śnieham
Sinoptyk Dźmitryj Rabaŭ u efiry ANT papiaredziŭ žycharoŭ Biełarusi, što na praciahu tydnia z 16 da 22 lutaha nadvorje budzie niaŭstojlivym, z marazami i śnieham.
U paniadziełak, 16 lutaha, čakajecca ŭzmacnieńnie marazoŭ praz upłyŭ chałodnaha antycykłonu, centr jakoha pastupova pieramiaščajecca z poŭnačy Jeŭropy. Na paŭdniova-ŭschodniaj častcy krainy mahčymy nievialiki śnieh, a na darohach — hałalod. Načnaja tempieratura budzie ad -10 da -17°S, u Viciebskaj vobłaści pry prajaśnieńniach — da -22°S, a dzionnaja — ad -6°S u Bresckaj da -13°S u Viciebskaj vobłaści.
U aŭtorak, 17 lutaha, apadkaŭ budzie mała, ale mahčymy tuman z bačnaściu da 500 mietraŭ, šerań i hałalod. Tempieratura nočču — ad -9 da -16°S, udzień — ad 0°S u Bresckaj da -13°S u Viciebskaj vobłaści. Viecier budzie ŭschodni ci paŭnočna-ŭschodni, umierany.
U sieradu praź Biełaruś projdzie vilhotny atmaśfierny front z zachodniaj Jeŭropy ź nievialikim śnieham. Tempieratura nočču — ad -1°S na paŭdniovym zachadzie da -13°S na paŭnočnym uschodzie; udzień — ad -7°S u Viciebsku da -2°S u Breście.
U čaćvier nadvorje budzie pad upłyvam atmaśfiernych frantoŭ z paŭdniova-zachodniaj Jeŭropy: projduć apadki, miescami tuman, słabaja hałalodzica, na darohach — hałalod. Viecier — paŭdniovy, umierany, miescami paryvisty. Tempieratura nočču — ad -7 da -13°S, udzień — ad -1°S u Bresckaj da -8°S na paŭnočnym uschodzie Viciebskaj vobłaści.
Piatnica, 20 lutaha, budzie padobnaj: apadki pa ŭsioj terytoryi, najbolš — u Bresckaj i Homielskaj abłaściach. Viecier paŭnočna-ŭschodni, chałodny. Načnaja tempieratura — ad -3°S na paŭdniovym zachadzie da -11°S na paŭnočnym uschodzie, dzionnaja — ad +1°S u Homieli da -8°S u Viciebsku.
Vychadnyja, 21—22 lutaha, taksama projduć pad upłyvam atmaśfiernych frantoŭ: u subotu — śnieh, u niadzielu — mahčymy mokry śnieh. Načnaja tempieratura ŭ subotu — ad 0°S na paŭdniovym uschodzie da -7°S na paŭnočnym zachadzie, dzionnaja — ad -3°S da -8°S; u niadzielu nočču — ad -2 da -8°S, dzionnaja — kala 0°S pa bolšaj častcy krainy.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha1
Kamientary