Piaskoŭ i Łaŭroŭ zajavili pra nieabchodnaść «pa-mužčynsku» trymacca «razumieńniaŭ», dasiahnutych u Ankorydžy
Rasijskaje kiraŭnictva ŭsio čaściej spasyłajecca na niejkija tajemnyja pahadnieńni z ZŠA pa ŭkrainskim pytańni, dasiahnutyja padčas sustrečy ŭ Ankorydžy, i nastojvaje na ich.
Praryŭ pa Ukrainie mahčymy tolki pry zachavańni razumieńniaŭ, dasiahnutych u Ankorydžy, zajaviŭ pres-sakratar Kramla Dźmitryj Piaskoŭ.
Jon padkreśliŭ, što Kreml nie choča publična ŭdavacca ŭ detali dasiahnutych damoŭlenaściaŭ, razmovy treba vieści ŭ zakrytym režymie.
Prykładna tak na hetuju temu vykazaŭsia i ministr zamiežnych spraŭ Siarhiej Łaŭroŭ. Jon padkreśliŭ, što Maskva pryniała kankretnuju prapanovu Vašynhtona. Pavodle jaho słoŭ, «kali padychodzić pa-mužčynsku», to pytańnie pavinna być vyrašana, pakolki rasijski bok daŭ zhodu na ŭmovy ZŠA.
Kiraŭnik MZS RF adznačyŭ, što Kreml nie cikavić mierkavańnie Ukrainy ci Jeŭrasajuza ź ich «piačornaj rusafobijaj». Klučavym dla Pucina zastajecca vyklučna pazicyja Złučanych Štataŭ.
Łaŭroŭ kaža, što paśla Ankorydža Rasija była hatovaja da maštabnaha supracoŭnictva z ZŠA, adnak na praktycy bačyć tolki novyja sankcyi.
«Pakul na praktycy ŭsio vyhladaje naadvarot: uvodziacca novyja sankcyi, idzie «vajna» suprać tankieraŭ u adkrytym mory ŭ parušeńnie Kanviencyi AAN pa marskim pravie. Indyi i inšym našym partnioram sprabujuć zabaranić kuplać tannyja, dastupnyja rasijskija enierhanośbity — Jeŭropie daŭno ŭžo zabaranili – i prymušajuć kuplać utraja daražej amierykanski zvadkavany pryrodny haz. Heta značyć na ekanamičnaj nivie amierykancy abviaścili zadaču ekanamičnaha daminavańnia», — skazaŭ Łaŭroŭ.
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary