Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
Vystup Bad Bunny Tramp nazvaŭ samym žachlivym za historyju.
Finał Nacyjanalnaj futbolnaj lihi (Supierboŭł) nie prosta hałoŭnaja spartyŭnaja padzieja ŭ ZŠA, ale i šou z samaj vialikaj aŭdytoryjaj. 30 siekund rekłamy kaštujuć miljony dalaraŭ.
Jaho kulminacyja — muzyčny vystup u pierapynku matča. Hetym razam za jaho adkazvaŭ puertarykanski repier Bad Bunny, jaki tydzień tamu ŭziaŭ «Hremi» za najlepšy albom hoda (usie pieśni, darečy, na ispanskaj).
Vystup Bad Bunny praciahvaŭsia 13 chvilin. I prykładna na piataj chvilinie hledačy ŭbačyli viasielle ŭ dekaracyjach puertarykanskaj płoščy.
Možna było padumać, što heta častka šou (u cełym tak i jość), — ale viasielle było sapraŭdnaje.
Małady i maładaja, čyje imiony nie raskryvajucca, zaprasili Bad Bunny na svajo viasielle. Jon ža ŭ adkaz prapanavaŭ im zamiest hetaha stać častkaj svajho vystupu na Supierboŭle i ŭziać šlub prosta tam.
U vyniku ŭ momancie, jaki trapiŭ u kadr, śviatar abviaściŭ paru mužam i žonkaj, paśla čaho jany pacałavalisia i pačali tancavać z haściami pobač z hihanckim tortam.
Sam Bad Bunny vystupiŭ śviedkam i padpisaŭ ich paśviedčańnie ab šlubie. Taksama padčas viasiella praśpiavała i stančyła z Bad Bunny Łedzi Haha (u błakitnaj sukiency). Taksama vystupiŭ jašče adzin viadomy puertarykaniec — Ryki Marcin.
Vystup Bad Bunny mieŭ vyrazny palityčny składnik. Padčas pierfomansu była składanaja scenahrafija, jakaja ŭklučała imitacyju płantacyi cukrovaha tryśniahu i puertarykanskaha žyłoha kvartała.
U kancy repier, jaki časta krytykuje Trampa za mihracyjnuju palityku, skazaŭ: «Boža, błasłavi Amieryku», pieraličyŭšy razam z ZŠA i inšyja krainy kantynienta — Kanadu, Puerta-Ryka, Arhiencinu, Mieksiku, Uruhvaj, Parahvaj. Na biłbordzie za jaho śpinaj padčas vystupleńnia byŭ nadpis: «Adzinaje, što macniejšaje za nianaviść — heta kachańnie».
Tramp nazvaŭ vystup «Drennaha trusika» vielmi kiepskim.
«Šou ŭ pierapynku Supierboŭła — heta absalutny žach, adno z najhoršych za ŬSIU HISTORYJU! U im niama nijakaha sensu, heta abraza vieličy Amieryki, jano nie adpaviadaje našym standartam pośpiechu, kreatyŭnaści abo pieravahi», — napisaŭ jon u sacsietcy Truth Social.
Supierboŭł prajšoŭ 8 lutaha (u Minsku była noč) u Santa-Kłary (Kalifornija). Matč vyjhraŭ «Sietł Sichoks», jaki pieramoh «Ńju-Inhłend Petryjots» ź likam 26:13.
Super Bowl 2026 stanie samaj darahoj tranślacyjaj u historyi. El Faninh budzie rekłamavać majanez, Łedzi Haha — čypsy, a Ema Stoŭn budzie płakać
Prezientavany rolik z Emaj Stoŭn da «Supierboŭła». Łaŭreatka «Oskara» ŭ im psichuje i łamaje noŭtbuki
«Sietł Sichoks» vyjhraŭ Supierboŭł-2026
Bad Bunny vyjhraŭ «Hremi» za najlepšy albom hoda
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy12
Kamientary