U Santa-Kłary (Kalifornija) 8 lutaha adbyŭsia finał Supierboŭła-2026 — hałoŭnaj spartyŭnaj padziei hoda ŭ amierykanskim futbole.
U matčy za čempijonski tytuł Nacyjanalnaj futbolnaj lihi sustrelisia «Sietł Sichoks» i «Ńju-Inhlend Petryjots». Hulnia zaviaršyłasia razhromnaj pieramohaj «Sietła» ź likam 29:13.
«Sichoks» daminavali na praciahu ŭsiaho matču, vyjhraŭšy ŭsie čatyry čverci — 3:0, 6:0, 3:0 i 17:13.
Kamanda ŭpeŭniena kantralavała chod sustrečy i nie dazvoliła sapierniku naviazać baraćbu.
Samym kaštoŭnym hulcom matču byŭ pryznany hulec «Jastrabaŭ» Kienet Uokier, jaki nabraŭ 135 jardaŭ na vynasach.
Pierad pačatkam siezona «Sichoks» nie ŭvachodzili ŭ lik pretendentaŭ na tytuł, a hod tamu kamanda sa štata Vašynhton nie trapiła ŭ płej-of.
Supierboŭł źjaŭlajecca hałoŭnaj spartyŭnaj padziejaj hoda ŭ ZŠA, a efir źjaŭlajecca samaj darahoj placoŭkaj dla rekłamy: za 30 siekund ekrannaha času kampanii płaciać ad $8 da 10 młn, a ŭvieś rekłamny invientar raspradajecca za paŭhoda da samaha mierapryjemstva.
Cheadłajnieram Super Bowl staŭ puertarykanski repier Bad Bunny, jaki ŭžo ŭ minułuju niadzielu vyjhraŭ «Hremi». Pierad matčam amierykanski himn vykanaŭ Čarli Put.
Čakalisia rekłamy ad Pepsico, jakuju źniaŭ novazieładziec Tajka Vajcici, servisu dastaŭki ježy Uber Eats z aktoram Mećju Makkonachi. Łedzi Haha pavinna była rekłamavać nieruchomaść ad Rocket, a aktorka El Faninh — majanez.
Taksama prarekłamavanyja čypsy Lays, Pringles, a Ema Stoŭn rekłamavała kampaniju dla stvareńnia internet-sajtaŭ Squarespace. Rolik stvaryŭ režysior Jorhas Łancimas.
Kamientary