Cima Biełaruskich pajechaŭ u pieršy vialiki tur paśla chatniaj chimii za narkotyki — pa Rasii
Śpiavak Cima Biełaruskich źnik z radaraŭ paśla taho, jak u 2021 hodzie jaho asudzili na dva hady chatniaj chimii pavodle narkatyčnaha artykuła 328. U 2024‑m paśla vymušanaha padpolla i cišyni jon pačaŭ vykładvać novyja pieśni, a ciapier adpraŭlajecca ŭ pieršy vialiki tur.
U hastrolnym hrafiku artysta na bližejšyja miesiacy vyklučna rasijskija harady — Nižni Noŭharad, Pierm, Maskva, Sankt-Pieciarburh, Navasibirsk, Krasnadar.
Hety tur pavinien byŭ zdarycca jašče hod tamu, ale tady jaho niečakana admianili. Sam Cima tłumačyŭ heta tym, što vyrašyŭ padsabrać pabolš novaha materyjału. Maŭlaŭ, nie chaciełasia radavać hledačoŭ vyklučna starymi chitami. Pasłuchać śpievaka možna było tolki na fiestyvalach i redkich adzinkavych soła-kancertach.
Niekatoryja prychilniki aburylisia, što ŭ hastrolnym hrafiku niašmat haradoŭ i tam niama Biełarusi: «U mianie kvitok lažyć z 2021‑ha paśla admieny kancertaŭ, a hrošy tak i nie viarnuli», — pišuć słuchačy z roznych haradoŭ. Akurat u tym hodzie muzyku złavili z 0,4 hrama hašyšu ŭ načnym kłubie.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary