ZŠA ŭkładuć 9 miljardaŭ dalaraŭ u armianskuju jadziernuju enierhietyku
ZŠA płanujuć ukłaści kala 9 miljardaŭ dalaraŭ u enierhietyčny siektar Armienii, u tym liku ŭ raźvićcio jadziernaj enierhietyki. Pra heta 9 lutaha zajaviŭ vice-prezident ZŠA Džej Dzi Vens padčas vizitu ŭ Jerevan, dzie jon vystupaŭ razam z premjer-ministram Armienii Nikołam Pašynianam, piša «Jeŭrapiejskaja praŭda».
Pavodle słoŭ Vensa, baki zaviaršyli pieramovy pa mižuradavaj damovie ab supracoŭnictvie ŭ śfiery mirnaha vykarystańnia jadziernaj enierhii. Realizacyja hetaj damovy adkryje mahčymaści dla novych prajektaŭ jak dla amierykanskich, tak i dla armianskich kampanij. Na pieršym etapie płanujucca inviestycyi prykładna na 5 miljardaŭ dalaraŭ, a na druhim — jašče na 4 miljardy.
Vice-prezident ZŠA padkreśliŭ, što prajekt budzie vyhadny abiedźvium krainam, bo paspryjaje ŭmacavańniu enierhietyčnaj biaśpieki, ustojlivaści enierhasistemy i stvareńniu novych pracoŭnych miescaŭ.
Jon taksama adznačyŭ, što ŭ Armienii płanujecca vykarystańnie małych modulnych reaktaraŭ, to-bok sučasnych amierykanskich technałohij.
Vens dadaŭ, što ZŠA redka iduć na ekspart takich adčuvalnych technałohij, i heta stała mahčymym u tym liku dziakujučy davieru da armianskaha kiraŭnictva.
Raniej stała viadoma, što Džej Dzi Vens taksama naviedaje Azierbajdžan, kab zamacavać damoŭlenaści adnosna budaŭnictva handlova-tranzitnaha kalidora.
Nahadajem, u žniŭni minułaha hoda prezident Azierbajdžana Ilcham Alijeŭ i premjer Armienii Nikoł Pašynian u prysutnaści prezidenta ZŠA Donalda Trampa padpisali pahadnieńnie ab stvareńni tranzitnaha maršrutu TRIPP z asnoŭnaj terytoryi Azierbajdžana ŭ Nachičevanski ankłaŭ praz Armieniju. Praktyčnaja realizacyja hetaha prajekta, uklučajučy pačatak budaŭničych rabot, zapłanavanaja na 2026 hod.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary
U vas šmat čytačoŭ mohuć uciamna raskazać, što takoje mały modulny reaktar?
Ja, prykładam, absalutna nie ujaŭlaju sabie pra što idzie razmova.
Ja tolki zdahadvajusia, što mary Łukašenka pra druhuju AES albo dadatkovy VVERy -- ryzykujuć apynucca prykładam siarednieviečnaha dzikunstva na fonie raspracovak Brytanii zhodna prajektu Karło Rubia:
https://uk.wikipedia.org/wiki/%D0%9A%D0%B5%D1%80%D0%BE%D0%B2%D0%B0%D0%BD%D0%B8%D0%B9_%D0%BF%D1%80%D0%B8%D1%81%D0%BA%D0%BE%D1%80%D1%8E%D0%B2%D0%B0%D1%87%D0%B5%D0%BC_%D0%BF%D1%96%D0%B4%D0%BA%D1%80%D0%B8%D1%82%D0%B8%D1%87%D0%BD%D0%B8%D0%B9_%D1%80%D0%B5%D0%B0%D0%BA%D1%82%D0%BE%D1%80