U Navinkach praciahvajecca budaŭnictva novaha korpusa darosłaj infiekcyjnaj balnicy. Kancern «Minskbud» pakazaŭ, jak ciapier vyhladaje budynak.
Na budaŭnictvie ŭžo zadziejničana bolš za trysta čałaviek, ich kolkaść pastupova pavialičvajecca.
Na abjekcie pracujuć mantažniki budaŭničaha ŭpraŭleńnia — 199, azdablalniki BU-211, mantažniki santechničnych sistem, elektryki i lifciory.
U pałatnych karpusach 2A i 2V, dzie ŭžo jość ciapło, uzvodziacca hipsakardonnyja pieraharodki, prakładvajecca čarnavaja elektryka, słabatočnyja sistemy, vykonvajucca ściažki padłoh i santechničnyja raboty, padvodziacca sietki miedycynskich hazaŭ. Čarnavyja azdablenčyja raboty razhortvajucca taksama ŭ karpusach 2B i 2H.
Adnačasova mantažujecca 12 liftaŭ — pa try ŭ kožnym pałatnym korpusie.
Z kanstrukcyj ŁSTK (lohkija stalnyja tonkaściennyja kanstrukcyi) i manalitnych ustavak užo vyrazna vymaloŭvajecca hałoŭny korpus. Pracujuć dva viežavyja krany i śpiecyjalnaja technika.
Sučasny kompleks budzie składacca z hałoŭnaha i čatyroch pałatnych karpusoŭ, a taksama nievialikaha budynka dla lačeńnia asabliva niebiaśpiečnych infiekcyj. Abjekt dapoŭniać haspadarčyja pabudovy i parkoŭka. Pry ŭźviadzieńni ŭstanovy vykarystoŭvajucca lohkija stalnyja tonkaściennyja kanstrukcyi.
Kamientary
Płanavali sučasny korpus na 300–400 łožkaŭ, a z-za niedachopu srodkaŭ i źmieny pryjarytetaŭ budaŭnictva raściahnuli i spraścili. Heta dziaržaŭny daŭhabud, jaki pieryjadyčna źjaŭlajecca ŭ prapahandyskich navinach jak «budaŭnictva praciahvajecca»