Hramadstva77

Kiroŭca pakazaŭ, jak prajazdžać novuju ałmaznuju raźviazku ŭ Minsku. U hledačoŭ uźnikli pytańni

Novaja ałmaznaja raźviazka, zapuščanaja dniami ŭ Minsku, adrazu stała samaj papularnaj temaj abmierkavańnia dla staličnych kiroŭcaŭ. Prapanavanyja DAI schiemy, jak ciapier prajazdžać učastak Ihumienskaha trakta na skryžavańni z MKAD i vulicaj Babuškina choć i dadali nahladnaści, ale mnohim nie chapiła «naturnaj» zdymki. Karystalniki tyktoku heta niedahlad paśpiašalisia vypravić. Zrešty, pytańniaŭ u hledačoŭ mienš nie stała, piša Telegraf.news.

Skrynšot ź videa

Litaralna na nastupny dzień paśla taho, jak DAI abviaściła pra adkryćcio ruchu na hetym učastku, na videapłatformie TikTok źjaviłasia nahladnaje videa, tak by mović, «ź miesca padziej»: adzin z kiroŭcaŭ pakazaŭ na praktycy, jak ruchajucca sustrečnyja patoki na rombapadobnaj raźviazcy.

Dla aŭtamabilistaŭ, zvykłych da pravabakovaha ruchu, raźmiaščeńnie patokaŭ na novaj raźviazcy dakładna moža zdacca dziŭnym i «niapravilnym»: paśla vyjezdu na raźviazku vaš patok apyniecca źleva, a sustrečny — sprava.

@90capitan #biełaruś #Minsk #łošica ♬ orihinalnyj zvuk -

Miarkujučy pa kamientarach, mnohija kiroŭcy ŭspryniali navacyju Dziaržaŭtainśpiekcyi z zaniepakojenaściu. U pieršuju čarhu tamu, što takoje skryžavańnie dla biełarusaŭ — u navinku, nidzie ŭ krainie z takoj arhanizacyjaj ruchu bolš nie sustreniešsia na darohach.

Šmat kamu z chodu akazałasia składana razabracca ŭ chitrasplacieńniach raźmietki, ale, jak adznačyli inšyja, kali stroha prytrymlivacca raźmietki i znakaŭ — zabłytacca składana. Pa pieršym časie na skryžavańni dadatkova ŭstanoŭlenyja jašče i płastykavyja abmiežavalniki, jakija zvyčajna vykarystoŭvajuć darožnyja rabočyja pry praviadzieńni ramontnych rabot.

Niekatoryja vykazali zdahadku, što składaniej za ŭsio saryjentavacca na takim skryžavańni budzie pryjezdžym i tym, chto pierasiakaje skryžavańnie ŭpieršyniu, asabliva — u zimovy čas hoda, kali raźmietku zaniasie śnieham.

«Užo nie zusim zrazumieła, a kali prybrać adbojniki płastykavyja i raźmietku pryciarušyć śnieham, to ŭdačy ŭsim udzielnikam ruchu», — z dolaj skiepsisu napisaŭ adzin z hledačoŭ.

Jašče bolš prablem moža ŭźniknuć, na dumku kamientataraŭ, kali na takim skryžavańni sapsujecca śviatłafor.

«Kali śviatłafory nie buduć pracavać, tut avaryj budzie — adna na adnoj», — vykazaŭ mierkavańnie adzin hladač.

«A kali śviatłafory złamajucca, jak tam rehuliroŭščyk razrulić?» — zadaŭsia pytańniem inšy.

Zrešty, znajšlisia i tyja, chto padtrymaŭ inicyjatyvu DAI. Siarod ich apynulisia tyja, kamu časta davodzicca jeździć hetym maršrutam u hadziny pik.

«Heta, ja tak razumieju, dla pavarotu naleva na MKAD zrabili, kab nie stajali. Tamu što ŭ hadzinu pik z Babuškina na ŭnutranaje kolca ciažkavata trapić», — padzialiŭsia vopytam adzin kamientatar.

Mnohija taksama adznačyli, što dla taho, kab razabracca ŭ asablivaściach ruchu na takim «kitajskim» skryžavańni (takaja schiema, sapraŭdy, aktyŭna ŭžyvajecca ŭ Kitai na mahistralach ź intensiŭnym rucham), treba prosta «adzin raz prajechać u abodva baki — i ŭsio stanie zrazumieła».

«Zaŭsiody ŭsie novaŭviadzieńni ŭsprymajuć u štyki. I niazvykła, i niezrazumieła, tak, mahčyma, niešta nie dadumali (pastavili b papieradžalnyja płakaty z usich bakoŭ pra źmienu i jak jechać treba, było b lahčej i bolš zrazumieła, ale nie fakt), a z časam pryvykaješ i nibyta narmalna akazvajecca. Tak što prosta raźbiaryciesia i pryvyknicie, nas nichto nie spytajecca — tak pakinuć ci viarnuć jak było», — reziumavała adna z hladačak.

Kamientary7

  • Žychar
    24.08.2025
    Čynoŭnik maryć pra pavyšeńnie, čytaje pra jeŭrapiejskija ekśpierymienty 1970-ch hadoŭ i vydaje ich za inavacyi. Potym na heta vydzialajucca hrošy, budujecca raźviazka, a praz hod pra jaje cicha zabyvajuć, bo jana pracuje nieefiektyŭna. Typovaja imitacyja burnaj dziejnaści.
  • Nk
    24.08.2025
    Dobry i razumny padychod ź nievialikimi vydatkami.
    Užo mnoha hadoŭ arhanizacyjaj ruchu ŭ Minsku zajmajucca razumnyja ludzi, niedzie z 2010-2012.
    Dziakuj vam, chłopcy.
    Šmat jakich dobrych spraŭ zrabili, jakija spačatku nie padabalisia kiroŭcam, ale potym vydatna spracoŭvali.
    Spadziajusia, tak budzie i tut.
  • Smit
    25.08.2025
    > arhanizacyjaj ruchu ŭ Minsku zajmajucca razumnyja ludzi, niedzie z 2010-2012.

    U mienia problem s projezdami słožnych pieriekriostkov niet. Hłavnoje umieť čitať dorožnyje znaki i priedstavlať siebie hieomietriju.

    No umnym ludiam, sprojektirovavšim zajezd-vyjezd v mahazin Matierik i Korona na Niezavisimosti – nužno zabiť v hołovu hvozd́.

Ciapier čytajuć

«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie25

«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie

Usie naviny →
Usie naviny

Na adzinym uroku 1 vieraśnia školniki buduć słuchać cytaty Łukašenki i pisać list pijanieram 2075 hoda13

Stała viadoma, za što cełuju siamju minskaha biznesmiena pryhavaryli da 5 hadoŭ kałonii7

Amal 40% rasijan ličać siabie «całkam asablivym narodam»11

«Uzrovień pravoŭ, svabod i ŭmoŭ pracy — horš, čym u školnaha nastaŭnika». Jak spravy ŭ vykładčykaŭ-praktykaŭ u BDUIR i techničnych VNU ŭ 2025 hodzie3

Maci rasijanina, jaki zahinuŭ na vajnie z Ukrainaj, pamierła na jaho mahile8

«Mnie navat ciažka vymaŭlać, što tam ruskija, biełarusy». Łukašenka znoŭ zajaviŭ pra «adzin narod»21

U Minsku zaviaršyli rekanstrukcyju škoły 1936 hoda VIDEA4

Źjaviŭsia novy štodzionny aŭtobusny rejs u Vilniu1

Užo 23 čałavieki vysłali z Polščy praz kancert Maksa Karža8

bolš čytanych navin
bolš łajkanych navin

«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie25

«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie

Hałoŭnaje
Usie naviny →

Zaŭvaha:

 

 

 

 

Zakryć Paviedamić