Adzin biełarus vyjechaŭ dobraachvotna, dvuch vysłali prymusova, piša «Biełsat».
Za parušeńni na kancercie Maksa Karža ŭ Varšavie z Polščy departavali troch hramadzian Biełarusi.
U Pamiežnaj achovie Polščy nie patłumačyli, u jakuju krainu vyjechali biełarusy.
«Polšču pakinuli 23 zamiežnyja hramadzianiny (20 hramadzian Ukrainy i 3 hramadzianiny Biełarusi), 13 ź ich byli vysłanyja prymusova, 10 vyjechali dobraachvotna. Dva hramadzianiny Biełarusi departavanyja prymusova, adzin vyjechaŭ dobraachvotna», — paviedamili pamiežniki.
U Pamiežnaj achovie zapeŭnili, što abaviazkova praviarajuć, ci biaśpiečna hetym ludziam viartacca na radzimu.
«Kožny raz u chodzie raźbiralnictva pa spravie ab abaviazku inšaziemca viarnucca ŭ jaho krainu abaviazkova vyvučajecca, ci isnuje pahroza dla žyćcia, svabody i biaśpieki i ci moža inšaziemiec padviarhnucca katavańniam i biesčałaviečnamu staŭleńniu. Pracedury pamiežnaj słužby harantujuć, što nie budzie prymusovaha abaviazku viartańnia, kali isnuje pahroza žyćciu abo zdaroŭju inšaziemca», — adznačyli ŭ viedamstvie.
Danyja pra 30 fanataŭ Karža, zatrymanych na kancercie, užo ŭklučanyja ŭ polskuju bazu niepažadanych asob, a taksama ŭ śpiecyjalnuju sistemu Šenhienskaj zony «z metaj admovy va ŭjeździe i znachodžańni ź mierkavańniaŭ achovy biaśpieki i hramadskaha paradku».
U siaredzinie žniŭnia premjer-ministr Polščy Donald Tusk paviedamiŭ, što było pryniata rašeńnie ab vysyłcy adnosna 63 čałaviek: 6 hramadzian Biełarusi i 57 hramadzian Ukrainy.
9 žniŭnia pierad pačatkam kancerta Maksa Karža na Nacyjanalnym stadyjonie ŭ Varšavie častka hledačoŭ pačała saskokvać ź siadziačych miescaŭ na tancpoł. Ich sprabavali spynić rabotniki achovy. Paźniej była pryciahnutaja palicyja, kab nie dapuścić dalejšych incydentaŭ.
Pa vynikach kancerta varšaŭskaja palicyja paviedamiła, što byli zatrymanyja 109 čałaviek. 50 čałaviek aštrafavanyja na ahulnuju sumu ŭ 11 450 złotych (kala 3 135 dalaraŭ). Da hetaha na viečarynie prychilnikaŭ Korža ŭ rajonie Vola, jakaja prajšła pierad kancertam, byli zatrymanyja 9 čałaviek. 25 čałaviek aštrafavali.
U Gazeta Wyborcza źjaviŭsia zvarot palakaŭ da Tuska, u jakim rezka asudžajucca departacyi paśla kancerta Karža
U Polščy pačali departavać zatrymanych na kancercie Maksa Karža
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie
Šaściarych biełarusaŭ i 57 ukraincaŭ vysyłajuć z Polščy paśla incydentaŭ na kancercie Maksa Karža
Anžaliku Mielnikavu bačyli ŭ Minsku ŭ «Dana Mole»53
Kamientary
A kolki razmoŭ było...
Kali chto viedaje polski futboł i ich fanataŭ, tym jeść z čym paraŭnać.