Kab nabyć kvitok na transpart praz mabilny dadatak, ciapier daviadziecca dapłačvać
Servis «Apłaci» ŭvioŭ śpiecyjalnuju padpisku, bieź jakoj kupić kvitok na transpart budzie nielha. Ale pry peŭnych umovach jana moža być biaspłatnaj.
Servis «Apłaci» uvodzić płatu za mahčymaść nabyvać kvitki na transpart. Z 22 vieraśnia ŭsim karystalnikam daviadziecca afarmlać padpisku «Transpart» za 1 rubiel u miesiac. Bieź jaje nabyć kvitok budzie niemahčyma.
Servis prezientavaŭ padpisku jak novuju pasłuhu. Rubiel buduć śpisvać z kašalka karystalnika aŭtamatyčna kožny miesiac. Paviedamlajecca, što padpiska «adkryvaje dostup da ŭsich mahčymaściaŭ nabyćcia kvitkoŭ praz dadatak».
Padpiska pry hetym moža być biaspłatnaj. Z karystalnika nie śpišuć rubiel za nastupny miesiac, kali na praciahu biahučaha miesiaca jon nabudzie 25 i bolš adnarazovych kvitkoŭ ci nabudzie prajazny na sumu ad 15 rubloŭ.
U kampanii padkreślili, što prava na biaspłatny miesiac nielha adkłaści ŭ zapas ci pieranieści.
Uładalnikam pakieta «Premium», jaki kaštuje 9,99 rubla ŭ miesiac, dapłačvać za padpisku nie spatrebicca.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary