Što čuvać u Anatola Fiodarava, jakoha raźbiŭ insult na strymie ŭ Piatruchina?
Siabry źbirajuć hrošy na dapamohu daŭniamu aktyvistu BNF.
Insult u Fiodarava zdaryŭsia 23 studzienia 2026 hoda, kali mužčyna ŭdzielničaŭ u strymie błohiera Siarhieja Piatruchina. Paśla tranślacyi Anatola zabrała chutkaja dapamoha.
Jak raskazaŭ «Naša Nivie» Anatol, u jaho ŭžo atrymałasia častkova adnavicca:
«U cełym ciapier adčuvaju siabie narmalna, ale byvaje časam słabaść. Sam užo chadžu, absłuhoŭvaju siabie, ale pakul što abmiežavana. Kahnityŭnyja zdolnaści amal nie parušanyja, artykularnyja funkcyi majuć defarmacyi, ale ich možna karektavać».
I tym nie mienš, napieradzie jašče doŭhi šlach. U Fiodarava drenna pracuje pravaja ruka, tamu jamu patrebnyja zaniatki z reabilitołaham. Taksama treba praca z łahapiedam, kab palepšyć maŭleńnie, paškodžanaje praz chvarobu. I nabyć kijok dy invalidny vazok.
Fiodaraŭ maje polskuju dziaržaŭnuju strachoŭku, ale, pavodle jaho słoŭ, pa toj strachoŭcy nie atrymać dastatkova reabilitacyi. Z 16 lutaha pa 20 sakavika jon znachodziŭsia ŭ śpiecyjalizavanym reabilitacyjnym centry ŭ Varšavie. U astatni čas mužčyna znachodzicca ŭ adnoj z varšaŭskich klinik, nie prystasavanaj dla reabilitacyi.
Anatol Fiodaraŭ — daŭni aktyvist BNF, jon udzielničaŭ u dysidenckim ruchu jašče ŭ saviecki čas. Fiodaraŭ byŭ namieśnikam staršyni BNF, uznačalvaŭ mahiloŭskuju supołku. U 2020‑m Anatol udzielničaŭ u pratestach, traplaŭ na sutki. Paśla pierajezdu ŭ emihracyju stvaryŭ «Nacyjanalna-demakratyčnuju płatformu», padtrymlivaje Dźmitryja Bałkunca ŭ inicyjatyvach nakštałt «Ultymatumu da Łukašenki», krytykuje Ofis Cichanoŭskaj.
Kali vy chočacie dapamahčy Anatolu Fiodaravu, napišycie ŭ telehram aktyvistu Mikałaju Minkovu, jaki zajmajecca jaho spravami: @gramadzianin. Možna i pieraličyć hrošy na rachunki Anatola (ANATOL FEDARAU) u Santander Bank:
48 1090 1883 0000 0001 5261 1260 (PLN)
21 1090 1883 0000 0001 5261 1261 (EUR)
«Naša Niva» — bastyjon biełaruščyny
PADTRYMAĆByłoha namieśnika staršyni BNF Anatola Fiodarava raźbiŭ insult prosta padčas strymu Piatruchina
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Haładoŭki, pierakulenyja milicejskija mašyny, kroŭ, Jelcyn vyzvalaje palitviaźniaŭ — zhadvajem padziei Čarnobylskaha šlachu-1996
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary