Mierc: U ZŠA niama stratehii ŭ vajnie suprać Irana, a Iran dziejničaje majsterna
Fiederalny kancler Hiermanii Frydrych Mierc zajaviŭ, što ZŠA pakul nie majuć vyraznaha płana, jak zaviaršyć vajnu suprać Irana i dasiahnuć miru, piša Deutsche Welle.
Na dumku Frydrycha Mierca, amierykancy sami nie vyznačylisia, jaki vychad ź situacyi buduć šukać.
«Na hety momant ja nie razumieju, jaki stratehičny vychad vybieruć amierykancy, tym bolš, što irancy, vidavočna, vielmi majsterna viaduć pieramovy — ci, chutčej, vielmi sprytna ad pieramoŭ uchilajucca», — zajaviŭ jon 27 krasavika, na sustrečy z navučencami himnazii ŭ Marśbierhu na zachadzie Hiermanii.
Mierc skazaŭ, što hałoŭnaja ciažkaść luboj vajny — nie pačatak jaje, a zakančeńnie. U jakaści prykładu jon pryvioŭ vojny ŭ Afhanistanie i Iraku. Tamu, na jaho dumku, rašeńnie pačać vajennyja dziejańni suprać Irana było niedastatkova pradumanym.
Jon vykazaŭ nadzieju, što kanflikt chutka skončycca, ale nie ličyć heta mahčymym najbližejšym časam. Pavodle jaho słoŭ, Iran byŭ macniejšy, čym mnohija čakali, a ŭ ZŠA niama pierakanaŭčaj stratehii dla pieramoŭ.
Taksama Mierc adznačyŭ, što ZŠA i Izrail pačali vajnu biez papiarednich kansultacyj ź jeŭrapiejskimi sajuźnikami. Jon paviedamiŭ, što ŭžo dvojčy vykazvaŭ svaju krytyčnuju pazicyju prezidentu ZŠA Donaldu Trampu. Prytym zapeŭniŭ, što kali b viedaŭ, što kanflikt zaciahniecca prynamsi na niekalki tydniaŭ i situacyja ŭ im budzie horšać, to vykazvaŭsia b jašče kateharyčniej.
Voś jak jeŭrapiejcy i Kanada buduć dziejničać, kali ZŠA vyjduć z NATA
Mierc pazvaniŭ Trampu i pravioŭ ź im «dobrazyčlivuju» razmovu
Mierc choča vypravić z Hiermanii dachaty 80% siryjcaŭ. Jaho ŭžo mocna raskrytykavali
Mierc abvinavaciŭ Trampa ŭ «maštabnaj eskałacyi» kanfliktu ź Iranam
Tramp: Kali dla Jeŭropy vajna ŭ Iranie — nie ich vajna, to i vajna va Ukrainie — nie naša
Mierc rezka raskrytykavaŭ rašeńnie ZŠA źmiakčyć sankcyi suprać rasijskaj nafty
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»57
Kamientary
kraina jakaja začyniła lepšyja ŭ śviecie AES pad čas vajny z maskoŭskaj impieryjaj , razvažaje pra stratehii i smokča enierhiju z usich KRAIN EZ
U hetaj situacyi mnie ščyra škada našych rodnieńkich habrejau (ja nie žartuju, tam šmat maich znajomych, ź jakimi my žyli razam). Tramp zaraz sliniaje, a jany zastanucca adzin na adzin z Iranam, jaki budzie pomscić.