Pamiatajecie žančynu, jakuju padmanuli rasijskija turysty? Kampanija, jakaja tut ni pry čym, prapanavała joj kampiensacyju
Historyja pra niepryjemny dośvied zdačy kvatery ŭ arendu maładoj siamji z Rasii vyklikała škvał kamientaryjaŭ. Mnohija rasijanie paprasili prabačeńnia za svaich ziemlakoŭ, a adna kampanija vyrašyła pajści dalej i prapanavała paciarpiełaj haspadyni kampiensacyju.
Niekalki dzion tamu biełaruska Darja raskazała pra sumny dośvied arendy kvatery ŭ Mahilovie. Maładaja siamja z Rasii admianiła braniravańnie napiaredadni zajezdu, ale nasamreč skarystałasia žyllom: haspadynia paśpieła vysłać im instrukcyju, jak trapić u pamiaškańnie, i hości ciškom pražyli tam sutki.
Pad adpaviednym rolikam u TikTok najbolš papularnym staŭ kamientaryj, jaki pakazvaje, što biełarusy nie majuć iluzij nakont maralnych jakaściej rasijan: «Niechta ździŭleny?»
I taki vodhuk daloka nie adziny.
«Vy jašče ździŭlajeciesia?», «Ja navat nie ździŭleny», «Ja ni kapielki nie ździŭleny», «Česna, nie ździŭleny», «Uvohule nie ździviła», — pišuć biełarusy.
«A potym dziviacca: «A čaho nam nie radyja?», «Ad rasijan ni kropli nie ździŭlenaja: čym bolš sutykajusia pa pracy z rasijanami, tym bolš lublu našych biełarusaŭ», «A potym pytańni, čamu biełarusy niezyčlivyja da ruskich», — dadajuć inšyja karystalniki.
«Znajomciesia: «braterski narod, jaki treba lubić, prymać i pavažać»», «Jany braty i siostry, lubicie ich», — ź ironijaj zaŭvažajuć hledačy.
«Z takimi svajakami lepš być siratoj», — adkazvajuć im u kamientaryjach.
«Nie treba pa adnoj siamji sudzić pra ŭsiu krainu. Drennyja ludzi jość u kožnaj dziaržavie», — paryruje inšy hladač.
Druhoj pa papularnaści stała zaŭvaha: «Navošta adpraŭlać instrukcyju, pakul niama apłaty?»
Asobnyja karystalniki źviartajuć uvahu na toje, što takoje praniknieńnie ŭ kvateru moža ciahnuć na kryminalny artykuł.
Razam z tym znajšlisia i tyja, chto paličyŭ patrebnym paprasić prabačeńnia za pavodziny svaich ziemlakoŭ.
«Mnohija ruskija nie pavažajuć biełarusaŭ. Ja byŭ u Minsku i razumieju, što Biełaruś cudoŭnaja, a biełarusy — kulturnyja ludzi. Pavahi da ich bolš, čym da ziemlakoŭ», — zaŭvažaje jašče adzin karystalnik.
Niečakany pavarot u historyi adbyŭsia, kali kampanija, jakaja handluje ŭ internecie padsankcyjnaj technikaj, publična prapanavała kampiensavać naniesienuju biełaruscy škodu:
«Naša kampanija nie maje nijakaha dačynieńnia da hetaj situacyi. Ale my vielmi spačuvajem biełaruscy, jakaja sutyknułasia z takoj niepavahaj. My hatovyja kampiensavać joj straty. Dla hetaha joj dastatkova prosta źviazacca z nami. Dapamožam adnavić spraviadlivaść».
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Mnie byccam nas*ali ŭ kubak, a potym zatušyli tudy niedakurki»: rasijanka raskrytykavała minski aeraport
«My dumali, Minsk — kałhasny horad». Rasijanka ščyra ździviłasia, čamu adhrabła ŭ tyktoku ad biełarusaŭ
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary
Tatara-manhoły!