Prezident ZŠA Donald Tramp u razmovie z žurnalistami ŭ Biełym domie zajaviŭ, što Iranu para pryznać svaju parazu.
«Iranu varta vyviesić bieły ściah. Jany vielmi hordyja ludzi, i, moža być, vy hetaha ściaha tak nie ŭbačycie, ale im pa sutnaści ŭžo para vyviesić bieły ściah — kapitulavać», — zajaviŭ prezident ZŠA.
Adkazvajučy na pytańnie, jakija dziejańni mohuć pryvieści da zakančeńnia pieramirja i adnaŭleńnia amierykanskaj vajennaj apieracyi, Tramp zajaviŭ, što iranskaje kiraŭnictva viedaje, «čaho rabić nie treba».
Tramp ličyć, što Tehieran imkniecca zaklučyć z Vašynhtonam ździełku i damovicca ab spynieńni bajavych dziejańniaŭ. Jon adznačyŭ, što prymaje asabisty ŭdzieł u pieramovach ź irancami, ale paskardziŭsia na toje, što «jany hulajuć u hulni».
«Mnie nie padabajecca ŭ vypadku ź Iranam toje, što jany [spačatku] razmaŭlajuć sa mnoj z takoj pavahaj, a potym vychodziać na telebačańnie i zajaŭlajuć: «My nie razmaŭlali z prezidentam». Ale ja tolki što razmaŭlaŭ [ź imi]», — panarakaŭ prezident ZŠA.
5 maja partał Axios paviedamiŭ sa spasyłkaj na krynicy ŭ amierykanskim i izrailskim kiraŭnictvie, što Tramp moža rasparadzicca ab adnaŭleńni vajennaj apieracyi ŭ Iranie na hetym tydni pry zachavańni tupika ŭ pieramovach.
Raniej kiraŭnik Pientahona Pit Chiehsiet zajaviŭ, što amierykanskija vajskoŭcy hatovyja adnavić u vypadku nieabchodnaści bajavyja dziejańni suprać Irana.
Tramp raskazaŭ, što budzie, kali Iran admovicca ad pravilnaha pahadnieńnia z ZŠA
Tramp pryhraziŭ uładam Irana źniščeńniem, kali Tehieran atakuje amierykanskija karabli
Kala ŭźbiarežža AAE haryć karejski tankier. U vajnie ZŠA ź Iranam novy vitok
Čarhovaje zvalnieńnie ŭ Pientahonie: pajšoŭ u adstaŭku ministr VMS Džon Fiełan, jaki mieŭsia budavać «załaty fłot» Trampa
Tramp padzialiŭ sajuźnikaŭ pa NATA na «dobrych» i «kiepskich»
Kamientary