70‑hadovy pravaabaronca Uładzimir Cielapun, jakoha zatrymali ŭ krasaviku, chvareje na rak
Pra ciažkuju chvarobu aryštavanaha pravaabaroncy z Mazyra Uładzimira Cielapuna «Radyjo Svaboda» paviedamiŭ pravaabaronca i były palitviazień Leanid Sudalenka.
«Jon chvory na rak, ciapier u stadyi remisii. Chto jaho bačyŭ pierad aryštam, adznačajuć, što vielmi schudnieŭ. Jasna, što patrebny dahlad, uvaha lekaraŭ, ale ŭ SIZA heta zabiaśpiečyć budzie składana, viedaju pa sabie, hod tam byŭ. Navat nieviadoma, ci atrymlivaje jon patrebnyja leki. Była nadzieja, što źmieniać mieru strymańnia na padpisku, uličać jahony ŭzrost i stan zdaroŭja, ale na taki humanny krok śledstva nie pajšło».
Raniej stała viadoma, što Uładzimiru Cielapunu inkryminavanyja art. 361‑4 KK (sadziejničańnie ekstremisckaj dziejnaści) i art. 367 KK (paklop na Łukašenku).
Uładzimir Cielapun viadomy ŭ rehijonie svajoj dziejnaściu pa abaronie pravoŭ čałavieka, u tym liku prava na mirnyja schody. U 1986 hodzie ŭdzielničaŭ ŭ likvidacyi nastupstvaŭ avaryi na Čarnobylskaj AES. Maje prablemy sa zdaroŭjem. Raniej Cielapun nieadnarazova zatrymlivaŭsia pa administracyjnych artykułach, apošni raz pra heta paviedamlałasia ŭ studzieni 2025 hoda.
Hetym razam Cielapuna zatrymali prykładna ŭ siaredzinie krasavika, paśla čaho jon nie viartaŭsia dadomu. Paźniej vyśvietliłasia, što jaho ŭtrymlivajuć u śledčym izalatary ŭ Homieli.
30 krasavika biełaruskija pravaabaroncy pryznali jaho palityčnym źniavolenym.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha45
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ88
Kamientary