U Lublinskim vajavodstvie Polščy idzie baraćba z maštabnym lasnym pažaram: ahoń achapiŭ kala 250 hiektaraŭ lesu. Ratavalnikam udałosia spynić dalejšaje raspaŭsiudžvańnie połymia, ale vialikimi koštam. Na pažary raźbiŭsia samalot M18 Dromader, u vyniku jakoha zahinuŭ daśviedčany piłot, piša RMF24.
U rajonie nasielenaha punkta Kazaki (Biłharajski paviet) druhija sutki praciahvajecca baraćba z razburalnym lasnym pažaram. Ahoń achapiŭ 250 hiektaraŭ lesu.
Na terenie trzech powiatów województwa lubelskiego trwa intensywna akcja gaśnicza związana z rozległym pożarem lasu. Ogień objął już obszar ponad 100 hektarów. W działaniach uczestniczy ponad 80 zastępów Państwowej i Ochotniczej Straży Pożarnej. pic.twitter.com/6HxuSUbcW4
Padčas vykanańnia čarhovaha vyletu na tušeńnie raźbiŭsia śpiecyjalizavany samalot M18 Dromader. U vyniku krušeńnia zahinuŭ vopytny piłot. Ministr unutranych spraŭ Polščy Marcin Kiervinski paćvierdziŭ hibiel lotčyka, adznačyŭšy jaho vysoki prafiesijanalizm.
Pažar kłasifikujecca jak «vierchavinny» — ahoń pierakidajecca pa kronach dreŭ, što robić jaho asabliva niebiaśpiečnym i ciažkadastupnym dla naziemnych słužbaŭ.
Na miescy pracujuć kala 500 pažarnych i 48 adzinak techniki. Čakajecca prybyćcio jašče 60 ekipažaŭ z susiednich rehijonaŭ.
Da tušeńnia pryciahnuty viertaloty Black Hawk, samaloty lasnoj haspadarki i drony dla raźviedki. Da apieracyi dałučylisia sałdaty vojskaŭ terytaryjalnaj abarony.
Ułady paviedamlajuć, što na dadzieny momant ahoń udałosia spynić — jon bolš nie raspaŭsiudžvajecca, choć front pažaru zastajecca aktyŭnym. Najbližejšyja žyłyja damy znachodziacca prykładna za 6 km ad ahniu.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec104
Kamientary