Jon raźmieścicca na vulicy Naračanskaj kala Minsk-areny, a jaho ŭźviadzieńnie pačniecca ŭžo ŭ hetym miesiacy.
Prajekt užo raspracavany. Zakazčykam vyznačana UKS Minharvykankama. Heta budzie spartyŭny kompleks dla kruhłahadovych zaniatkaŭ ekstremalnymi vidami sportu, paviedamiŭ kiraŭnik administracyi Centralnaha rajona Valer Varanicki, pišuć Minsk-Naviny.
— Katańnie na skiejtbordach papularnaje siarod moładzi, i časta dla hetaha padletki vybirajuć hramadskija miescy. U tym liku jany katajucca kala muzieja Vialikaj Ajčynnaj vajny, na hranitnych parapietach i prystupkach, što psuje dobraŭparadkavańnie, pryvodzić da traŭmaŭ skiejtbardystaŭ i navat minakoŭ. Śpiecyjalizavanaje miesca dla katańnia dapamahło b vyrašyć hetaje pytańnie, — adznačyŭ Valer Varanicki.
U horadzie na sistemnaj asnovie viadziecca rabota pa budaŭnictvie nieabchodnych spartyŭnych abjektaŭ i zbudavańniaŭ. U Centralnym rajonie raźmieščana kala 340 takich abjektaŭ — ad bujnych, jak Pałac sportu i «Minsk-Arena», da mižškolnych stadyjonaŭ i dvarovych spartyŭnych placovak.
Kamientary