Na «Hrodna Azocie» skončyŭ žyćcio samahubstvam namieśnik načalnika cecha
Ad jaho nibyta patrabavali spłačvać 1,2 miljona škody.
Na «Hrodna Azocie» skončyŭ žyćcio samahubstvam namieśnik načalnika cecha adnaŭleńnia jedkaha natryju Andrej S.
Jak paviedamlaje «Rabočy ruch», cieła znajšli niedaloka ad zavoda. U zahinułaha zastałosia dvoje niepaŭnaletnich dziaciej.
Pavodle nieaficyjnych krynic, pierad śmierciu na zavodzie adbyłasia płaniorka ŭ kiraŭnictva. Pryčynaj stała abvalvańnie futeroŭki ŭ piečach spalvańnia adkidaŭ — dla ramontu zamiest impartnaj cehły była zakuplenaja rasijskaja, jakaja akazałasia niajakasnaj. Na płaniorcy, pavodle tych ža krynic, hučali rezkija abvinavačvańni i pošuk «krajniaha».
Krynica «Lusterka» paviedamlaje dadatkovyja detali: zahinułamu było dadziena vusnaje rasparadžeńnie pavysić tempieraturu hareńnia, kab praces adpaviadaŭ ekałahičnym normam. Jon vykanaŭ ukazańnie — i mienavita paśla hetaha adbyłosia razbureńnie cehły. Pavodle toj ža krynicy, usiu škodu — 1,2 miljona rubloŭ — dyrektar «paviesiŭ» asabista na Andreja sa słovami, što toj «pažyćciova budzie vypłačvać doŭh abo pojdzie ŭ turmu». Andrej uspryniaŭ heta blizka da serca.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach19
Kamientary
a heta chutčej za ŭsio praŭda
to heta žachlivy žach