Były kamiercyjny dyrektar «Jandeksa» zahinuŭ u Rasii pry zahadkavych abstavinach
Čaćviora biznesoŭcaŭ adpravilisia rybalić u mocny štorm na matornaj łodcy. Nie vyžyŭ nichto.
Cieła 44‑hadovaha Siarhieja Łojtera znajšli siarod źnikłych bieź viestak rybakoŭ, jakija adpravilisia na Vołhu ŭ Vałhahradskaj vobłaści ŭ mocny štorm na nievialikaj matornaj łodcy, piša V1.ru
Siarod inšych źnikłych byŭ cieść Siarhieja, bujny vałhahradski biznesmien i zabudoŭščyk Alaksandr Nazaraŭ.
Ranicaj 24 krasavika jany ŭčatyroch adpravilisia rybačyć. Prykładna a 12:00 taho ž dnia na bierazie Vołhi znajšli cieła adnaho z rybakoŭ. Im byŭ asabisty kiroŭca biznesmiena Ihar Procharaŭ.
— U zahinułaha vyjavili traŭmy hałavy. Papiarednie, jany viartalisia nazad i abo pieraviarnulisia, abo ab niešta ŭdarylisia. U jaho jość dźvie jachty, ale jany adpravilisia na nievialikaj rybackaj łodcy «Astrachanka», — raspaviadaŭ surazmoŭca.
25 krasavika znajšli jašče dvuch źnikłych. Siarod ich apynuŭsia 42‑hadovy Siarhiej Łojter — hienieralny dyrektar padraździaleńnia ŠI, rekłamnych technałohij i pošukavaj aptymizacyi ŭ Yango Group.
Z 2022 da 2024 hoda Siarhiej zajmaŭ pasadu kamiercyjnaha dyrektara ŭ «Jandeksie». U mai 2024‑ha jon pierajšoŭ u zamiežnaje padraździaleńnie rasijskaha IT-hihanta — «Yango», dzie pracavaŭ da apošniaha času. Los samoha Alaksandra Nazarava pakul zastajecca nieviadomym. Pavodle dadzienych ratavalnikaŭ, jaho cieła dahetul šukajuć.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku55
Kamientary