Na fiermie ŭ Słonimskim rajonie rabotniki ź Niepała śpievami sustrakali Karajeva VIDEA
«Voś jon jaki, dobry narodziec».
U sacsietkach Hrodzienskaha abłvykankama źjaviłasia videa vizitu kiraŭnika vobłaści Juryja Karajeva na małočna-tavarny kompleks «Zabulle» ŭ Słonimskim rajonie. Na im rabotniki-niepalcy siarod hnoju i karoŭ vykanali dla čynoŭnika pieśniu na svajoj rodnaj movie.
Karajeŭ vysłuchaŭ vystup z uśmieškaj, potym paśla pierakładčyka padziakavaŭ zamiežnym pracaŭnikam pa-anhlijsku.
Tak vstriečajut hubiernatora na MTK "Zabulje" Słonimskoho rajona
«Voś tak sustrakajuć hubiernatara na MTK «Zabulle» Słonimskaha rajona», — havorycca ŭ podpisie da videa.
Dopis vyklikaŭ aktyŭnaje abmierkavańnie ŭ kamientarach.
«Heta što, prykoł?»
«Jak ža soramna».
«Žach».
«Jak niedarečna vyhladaje».
«Išoŭ 33‑i hod «praćvitańnia i stabilnaści», — pisali tyja, chto adčuvaŭ soram za padzieju.
Niechta pytaŭsia: «A dzie ž biełarusy?» Niechta adkazvaŭ: «Departavali».
«Budučynia, jakuju my zasłužyli», — pisali kamientatary.
«Voś jon jaki, dobry narodziec», — reziumavaŭ niechta.
Kamientary