«Ja byŭ aptymistyčnym». Prezident Finlandyi zrabiŭ zmročny prahnoz adnosna mirnaha pahadnieńnia va Ukrainie
Pucin nie źmianiŭ svajoj pazicyi i prosta ciahnie čas.
Prezident Finlandyi Alaksandr Stub pryznaŭ, što raniej byŭ aptymistyčna nastrojeny adnosna mirnaha pahadnieńnia va Ukrainie, adnak ciapier jaho pohlady źmianilisia. U svaim vystupleńni jon zajaviŭ, što nie bačyć nijakich prykmiet taho, što rasijski lidar hatovy da jakich-niebudź sastupak, piša UNIAN.
«Ja prosta nie baču, kab Pucin źmianiŭ svaju dumku. Ja byŭ aptymistyčnym na praciahu niekalkich miesiacaŭ i pracavaŭ nad hetym, ale ŭ vyniku heta akazałasia kłasičnaj rasijskaj taktykaj zaciahvańnia», — zajaviŭ Stub.
Adkazvajučy na pytańnie pra harantyi biaśpieki dla Ukrainy ad NATA, Stub adznačyŭ, što ŭkrainskaja armija ciapier źjaŭlajecca najbolš nadziejnaj harantyjaj.
«Ja liču, što samaj nadziejnaj harantyjaj biaśpieki, jakuju ciapier maje Ukraina, źjaŭlajucca 800 tysiač dobra ŭzbrojenych vajskoŭcaŭ i zdolnaść vieści sučasnuju vajnu tak, jak nie moža nivodnaja inšaja kraina-člen NATA», — padkreśliŭ jon.
Prezident Finlandyi dadaŭ, što situacyja faktyčna źmianiłasia, i «jeŭrapiejcy pavinny zrazumieć, što majuć patrebu va Ukrainie bolš, čym Ukraina ŭ nas».
Uładzimir Zialenski zajaviŭ, što Ukraina hatovaja da trochbakovych pieramoŭ z ZŠA i Rasijaj nakont zaviaršeńnia vajny, i takaja sustreča moža adbycca ŭ Azierbajdžanie. Pry hetym jon padkreśliŭ, što heta mahčyma, «kali Rasija budzie hatovaja da dypłamatyi».
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski13
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary