U Lidzie pierad Dniom biełaruskaha piśmienstva, jaki projdzie 6—7 vieraśnia, pastavili dva interaktyŭnyja art-abjekty — aryhinalnyja łaŭki-pazły, paviedamlaje Lidski historyka-mastacki muziej.
«Na hetych łaŭkach možna nie tolki pasiadzieć, ale i sabrać mazaiku — karciny miascovych mastakoŭ z fondaŭ muzieja i piejzažy Lidy roznych hadoŭ, namalavanyja na paštoŭkach. Kožnuju detal možna krucić, źmianiajučy malunak na łaŭcy», — raskazali ŭ muziei.
Tak, naprykład, možna ŭznavić karcinu Hrodzienskich mastackich majsterniaŭ, zasnavanuju na litahrafii Ałaiza Misiaroviča z malunka Napaleona Ordy «Nad rakoj Lidziejaj». Na joj namalavany zamak u paślapaŭdniovyja hadziny, raka Lidziejka, Kryžaŭźvižanski kaścioł, budynak karmielickaha manastyra, daroha sa słupami telehrafnaj linii.
Jak rastłumačyli śpiecyjalisty, malunak Ordy dajšoŭ da nas u litahrafičnaj apracoŭcy Misiaroviča i maje značnyja adstupleńni ad fartyfikacyjnych asablivaściaŭ zamka. U fondach Lidskaha historyka-mastackaha muzieja zachoŭvajecca taksama anałahičnaja paštoŭka.
Z pazłaŭ paŭstajuć karciny lidskich mastakoŭ: architekturny piejzaž «Poŭnač» Ivana Krasački z vyjavaj načnoha zamka, naciurmort «Pivoni» Aleny Haŭryk, karcina «Błakitnaje žarabia» Vilena Silvanoviča. Mazaiku možna taksama sabrać u vyhladzie paštovak pačatku XX stahodździa z fondaŭ muzieja, na jakich raźmieščanyja vidy Lidy stohadovaj daŭniny.
Adna z łavak raźmiaściłasia na placoŭcy pierad muziejem, druhaja — u dvary Lidskaha zamka.
Akramia taho, da śviata ŭ horadzie pastavili 25 aryhinalnych łavak, stvoranych miascovymi arhanizacyjami. Jany raźmiaścilisia na bulvary Hiedymina. Na ścianie rajonnaj biblijateki imia Janki Kupały źjaviŭsia murał z partretam kłasika biełaruskaj litaratury.
Ciapier čytajuć
«Źnik bieź źviestak» vielmi małady biełaruski najomnik2
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary