Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
Zdaryłasia heta jašče 28 lutaha, ale viadoma stała tolki ciapier. Pra śmierć Smancara paviedamiŭ kiraŭnik Tribuna.com Maksim Bierazinski.
Pryčyna śmierci nieviadomaja.
«Mienavita ź jaho pačałasia era, kali dziaržava pačała adciskać pryvatnuju ŭłasnaść, a biznesmienaŭ sadzić. Jon byŭ niebiaśpiečny vorah dla Łukašenki — i tamu mienavita ź jaho pačali.
Tak, u toj łaźni, paśla jakoj źnikli Hančar i Krasoŭski, taksama pavinien byŭ być Smancar. Jon prymaŭ aktyŭny ŭdzieł u palityčnym žyćci krainy, a heta ŭžo tady było niedapuščalna», — napisaŭ pra biźniesmiena Bierazinski.
U 1990-ch hadach značnaja častka handlu z Rasijaj prachodziła praz Alaksandra Smancara. Jon vałodaŭ niekalkimi bankami, zavodam marharynu. Raniej jamu taksama naležaŭ kantrolny pakiet akcyj futbolnaha minskaha «Dynama».
U 2002 hodzie suprać Smancara była zaviedzienaja kryminalnaja sprava za niezakonnuju pradprymalnickuju dziejnaść, źviazanuju z BMZ. Orhany acanili pryčynienuju škodu ŭ 84 miljony dalaraŭ. Smancar byŭ prysudžany da dvuch hadoŭ pazbaŭleńnia voli. Zatym sudovyja rašeńni niekalki razoŭ pierahladalisia.
Paśla vychadu na volu biznesmien pakinuŭ Biełaruś. Z 2006 hoda ŭ rodnaj krainie jon ni razu nie byŭ, pisała Tribuna.
Heta jon u 2010 hodu zvaniŭ padčas Płoščy Mikole Statkieviču i zaklikaŭ «siadać u kresła premjera Sidorskaha».
U 2017 hodzie BT vypuściła prapahandyscki siužet pra Mikałaja Statkieviča, jaki ciapier znachodzicca za kratami. U im śćviardžałasia, što pamiž Statkievičam i Smancaram była razmova — biznesmien nibyta finansavaŭ pratesty «niedarmajedaŭ».
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7979
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie79
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary