Šylda była ŭstalavana ŭ pamiać ab uradžencach Brasłaŭščyny ich naščadkami z Polščy.
U kaściole Brasłava źnikła polskaja miemaryjalnaja šylda. Heta zaŭvažyli 23 žniŭnia ŭdzielniki ŭračystaści ŭ sanktuaryi Viciebskaj dyjacezii Maryi Uładarki Azioraŭ u Brasłavie, paviedamlaje katolik.life.
Šylda visieła na ścianie kaścioła z 2009 hoda. Tady jaje pryvieźli z Polščy i ŭstalavali ŭdzielniki pilihrymki z Varšavy, siabry polskaj Nacyjanalnaj asacyjacyi brasłaŭlan (Krajowe Stowarzyszenie Brasławian) — uradžencaŭ Brasłaŭščyny i ich naščadkaŭ.
Hranitnaja šylda mieła nadpis na polskaj i biełaruskaj movach:
«U pamiać palakaŭ, addaŭšych Brasłaŭskaj ziamli i Rečy Paspalitaj svaju pracu, zmahańnie i žyćcio».
Jak miarkujuć vierniki, ukazańnie źniać šyldu mahli dać miascovyja ŭłady. Ale kali takoje rašeńnie pryniali ŭ samoj parafii dla padstrachoŭki, to takaja samacenzura vyhladaje absurdnaj, ličać vierniki.
Źniknieńnie ŭ kaściołach miemaryjalnych pradmietaŭ, jakija nie adpaviadajuć ciapierašniaj dziaržaŭnaj ideałohii (u honar Piłsudskaha, Varšaŭskaj bitvy, Armii Krajovaj) stała tendencyjaj (prykłady — pomnik u Vojstamie, freska ŭ Sołach), ale ž šylda ŭ Brasłavie nie mieła kankretnaha palityčnaha sensu. Jana nie źmiaščała zhadak vorahaŭ kamunistaŭ ci niepryjemnych dla biełaruskaj dziaržavy momantaŭ.
Vidać, sam fakt najaŭnaści polskaj movy i hierbu staŭ pryčynaj źniknieńnia šyldy.
Na rekanstrukcyi Čyrvonaha kaścioła budaŭniki źbiralisia vykinuć pakinutyja tam ikony i knihi
Ksiandzu Zavalniuku prapanoŭvali zamiest Čyrvonaha kaścioła pierajechać u Rakaŭ. Jon admoviŭsia
Na Brestčynie znoŭ šukajuć mahčymaści pazbavić pryhaženny pomnik achoŭnaha statusu. Zahad pastupiŭ źvierchu
U Smarhonskim rajonie prybrali nadpis ź miemaryjała, pazbaviŭšy jaho sensu
Ciapier čytajuć
«Adny vierać, što viernucca, inšyja — nie». Jak pracuje biełaruskaja škoła ŭ Polščy1
Kamientary