U Smarhonskim rajonie prybrali nadpis ź miemaryjała, pazbaviŭšy jaho sensu
Na terytoryi kaścioła ŭ vioscy Vojstam Smarhonskaha rajona źmienieny podpis da pomnika, zaŭvažyli vierniki, piša katolik.life.
Hety miemaryjał źjaŭlajecca adnoj ź cikavostak rajona i byŭ ustalavany ŭ pamiać ab achviarach fašyzmu i kamunizmu i pryśviečany datam 1 i 17 vieraśnia 1939 hoda — napad Hiermanii na Polšču, z čaho pačałasia Druhaja Suśvietnaja vajna, i ŭvarvańnie SSSR u Polšču.
Miemaryjalny kryž pazicyjanavaŭsia taksama jak pomnik ziemlakam, jakija zahinuli ŭ vajnie i ŭ ssyłcy ŭ Sibiry i Kazachstanie.
Podpis da pomnika byŭ na polskaj movie — «ofiarom faszyzmu i komunizmu». Na novaj tabličcy — cytata ź Jevanhiella pa-biełarusku, jakaja całkam źmianiaje ŭkładzieny ŭ pomnik sens.
Słovy Jezusa Chrysta «Chto nie biare kryža svajho i nie idzie śledam za Mnoju, toj nie varty Mianie» ŭ spałučeńni z hetym pomnikam vyhladajuć niedarečnymi, nie suadnosiacca z formaj i idejaj manumienta.
Akramia taho, z pomnika źnikła fihura Baharodzicy, jakaja trymaje na rukach Cieła Chrysta.
Kali i pa čyjoj inicyjatyvie źmianili podpis — dakładna nie viadoma. Kaścioł u Vojstamie ŭvachodzić u aficyjny maršrut relihijnaha turyzmu, tamu, mahčyma, parafija atrymała ŭkazańnie ad uładaŭ prybrać ideałahična niapravilnuju tabličku.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary