Ukrainskaja pravasłaŭnaja carkva Maskoŭskaha patryjarchatu (UPC MP) atrymała ad Dziaržaŭnaj słužby Ukrainy pa etnapalitycy i svabodzie sumleńnia zahad — da 18 žniŭnia razarvać suviazi z Ruskaj pravasłaŭnaj carkvoj (RPC). Pryčyna — vyjaŭlenyja fakty suviazi UPC z arhanizacyjaj, dziejnaść jakoj zabaronienaja va Ukrainie, piša «Ukrainskaja praŭda».
Ukrainskija ŭłady patrabujuć, kab kiraŭnictva UPC aficyjna vyjšła z-pad padnačaleńnia Ruskaj pravasłaŭnaj carkvie, admoviłasia ad usich pałažeńniaŭ jaje statuta i adklikała svaich śviataroŭ i manachaŭ z usich kiraŭničych struktur Maskoŭskaha patryjarchatu (u tym liku Sinoda, Saboraŭ i inšych carkoŭnych orhanaŭ).
Akramia taho, UPC pavinna publična zajavić, što nie zhadžajecca ź dziejańniami RPC, u tym liku z pryznačeńniem kiraŭnikoŭ jeparchij va Ukrainie i sprobami anieksii hetych jeparchij.
Kiraŭnik UPC RP mitrapalit Anufryj pavinien publična vykazać svaju niazhodu i aficyjna inicyjavać razryŭ usich adnosin z RPC.
Amal hod tamu, 20 žniŭnia 2024 hoda, Viarchoŭnaja Rada Ukrainy pryniała zakon, jaki zabaraniaje dziejnaść u krainie relihijnych arhanizacyj, źviazanych z Rasijaj.
9 maja 2025 hoda Kabiniet Ministraŭ uchvaliŭ dakładny paradak praviadzieńnia rasśledavańnia adnosna mahčymaj suviazi relihijnych arhanizacyj z Rasijaj, a taksama praviły razhladu faktaŭ raspaŭsiudžvańnia imi ideałohii «ruskaha śvietu». UPC MP sprabavała asprečyć hetuju pastanovu ŭ sudzie, adnak užo 20 maja Dziaržsłužba pa etnapalitycy pačała rasśledavańnie, kab vyznačyć, ci maje UPC MP suviazi z zabaronienaj u krainie rasijskaj relihijnaj arhanizacyjaj.
2 lipienia prezident Ukrainy Uładzimir Zialenski pazbaviŭ mitrapalita Anufryja ŭkrainskaha hramadzianstva. Pavodle dadzienych Słužby biaśpieki Ukrainy, jon maje rasijski pašpart.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary
Ź sieńnišniaha dnia ja pcUkraina
Tak Nazaricianin jak majsy kažut i błudnicu i mytnka ińšych pryniał ale jak babrujčanin...sumnivajuś
.