Śviet55

Zialenski pazbaviŭ ukrainskaha hramadzianstva mitrapalita UPC Anufryja

U SBU zajavili, što ŭ mitrapalita jość rasijskaje hramadzianstva, i jon praciahvaje padtrymlivać suviazi z RPC, piša Bi-bi-si.

Kiraŭnik UPC MP Anufryj. Fota: UPC

Prezident Ukrainy Uładzimir Zialenski pazbaviŭ ukrainskaha hramadzianstva kiraŭnika Ukrainskaj pravasłaŭnaj carkvy Maskoŭskaha patryjarchatu mitrapalita Anufryja.

Takoje rašeńnie było pryniata pa vynikach rasśledavańnia SBU.

«SBU ŭstanaviła, što Bierazoŭski (Anufryj) dobraachvotna atrymaŭ hramadzianstva Rasii ŭ 2002 hodzie. Pra heta jon nie paviedamiŭ va ŭpaŭnavažanyja orhany ŭłady Ukrainy. U toj čas paśla hetaha jon praciahvaŭ i dalej karystacca statusam hramadzianina našaj dziaržavy», — havorycca ŭ paviedamleńni śpiecsłužby.

Pavodle viersii SBU, mitrapalit Anufryj praciahvaje padtrymlivać suviaź z Maskoŭskim patryjarchatam i «śviadoma supraćstajaŭ atrymańniu kananičnaj niezaležnaści ŭkrainskaj carkvy».

«Niahledziačy na poŭnamaštabnaje ŭvarvańnie, Bierazoŭski (Anufryj) faktyčna praciahvaje padtrymlivać palityku RPC i jaje kiraŭnictva, u pryvatnaści patryjarcha Kiryła (Hundziajeva)», — skazana ŭ paviedamleńni.

Pradstaŭnik UPC mitrapalit Klimient (Viačera) zajaviŭ Bi-bi-si, što ŭ Anufryja jość tolki ŭkrainski pašpart.

«Błažeńniejšy mitrapalit Anufryj rastłumačyŭ, što ŭ jaho jość tolki pašpart hramadzianina Ukrainy. Jon nikoli nie źviartaŭsia ŭ dziaržaŭnyja orhany inšych dziaržaŭ pa pytańni atrymańnia inšaha hramadzianstva», — skazaŭ Klimient.

Ukrainskija žurnalisty śćviardžali, što Anufryj u 2002-2003 hadach atrymlivaŭ rasijski pašpart. Sam ijerarch tłumačyŭ, što vučyŭsia ŭ Maskoŭskaj duchoŭnaj sieminaryi ŭ Troica-Sierhijevaj łaŭry. Paśla raspadu SSSR jon de-fakta mieŭ hramadzianstva Rasii, ale nabyŭ taksama ŭkrainskaje.

«Rasijskaje hramadzianstva pry hetym aŭtamatyčna praciahnułasia, ale ja im nie cikaviŭsia i nie karystaŭsia. Pamiž Ukrainaj i Rasijaj byli dobryja brackija adnosiny. Kali hetyja adnosiny pačali paharšacca, asabliva ŭ apošnija 10 hadoŭ, ja pakinuŭ rasijskaje hramadzianstva», — havaryŭ Anufryj.

U mai 2022 hoda sabor UPC zajaviŭ ab niezaležnaści ad Maskoŭskaha patryjarchatu, adnak ułady ličać, što na samoj spravie carkva nie razarvała suviazi z RPC. Mnohija jepiskapy i śviatary nie padtrymlivali addaleńnie UPC ad Maskvy.

Mitrapalit Anufryj padkreślivaŭ, što vystupiŭ suprać vajny i asudziŭ rasijskuju ahresiju.

Kamientary5

  • Akalit
    02.07.2025
    Anufryj asudziŭ uvarvańnie rankam 24.02.2022, kali ŭsie pasły ŭciakli i raźvitalisia z Ukrainaj. Navat kali ŭ jaho byŭ pašpart, pazbaŭlać jaho hramadzianstva biez publikacyi jaho vidavočnych złačynstvaŭ - vialikaja pamyłka ŭ infarmacyjnym poli.
  • Avstrijak
    03.07.2025
    Akalit, Ukraina k sožaleniju poślednije hody stanovitsia vtoroj rośsijej...
  • Botam
    03.07.2025
    Daŭno para było ŭziacca za filijał FSB-RPC va Ukrainie pad nazvaj UPC.

Ciapier čytajuć

Cichanoŭski: Łukašenku treba sudzić pa łukašysckich zakonach, ale pasadzić na koł6

Cichanoŭski: Łukašenku treba sudzić pa łukašysckich zakonach, ale pasadzić na koł

Usie naviny →
Usie naviny

Pamior Andrej Barduchajeŭ-Aroł

Napadniku na Łatušku prysudzili 1400 jeŭra štrafu i departacyju10

Dapamohu vyzvalenamu bijołahu Siarhieju Šelehu sabrali za pałovu dnia5

Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova17

Adzin z najlepšych rasijskich futbalistaŭ Smołaŭ pabiŭsia ŭ kafe z tymi, chto abmiarkoŭvaŭ jaho VIDEA2

Paźniak asudziŭ Cichanoŭskaha: Siedziačy piać hadoŭ, možna było da biełaruskaj movy źviarnucca106

Čym adroźnivajecca bortnictva ad pčalarstva? I čamu vučylisia palaki ŭ biełaruskich bortnikaŭ1

Minskaja školnica pačała raspaŭsiudžvać narkotyki 1 vieraśnia, a ŭžo na zaŭtra jaje aryštavali5

U Barysavie paśla skačka ŭ vadu zahinuŭ 18-hadovy chłopiec1

bolš čytanych navin
bolš łajkanych navin

Cichanoŭski: Łukašenku treba sudzić pa łukašysckich zakonach, ale pasadzić na koł6

Cichanoŭski: Łukašenku treba sudzić pa łukašysckich zakonach, ale pasadzić na koł

Hałoŭnaje
Usie naviny →

Zaŭvaha:

 

 

 

 

Zakryć Paviedamić