U Rečyckim rajonie adbyŭsia kradziež pa siužecie viadomaj dziciačaj kazki
«Chto jeŭ majoj łyžkaj?» Takoje pytańnie zadała supracoŭnikam Śledčaha kamiteta haspadynia adnaho ź leciščaŭ u vioscy Liski.
U studzieni žančyna naviedałasia na lecišča i vyjaviła, što ŭ jaje adsutnaść (ź listapada minułaha hoda) jano nie pustavała. Amal jak u kazcy «Try miadźviedzi» chtości zabraŭsia ŭ dom: złamaŭ zamok na dźviarach, adcisnuŭ uvachodnyja dźviery i «nakłaŭ łapu» na čužuju majomaść. U vyniku źnikli adzieńnie, abutak i pradukty, paviedamlaje Dziaržkamitet sudovych ekśpiertyz.
Padčas ahladu miesca zdareńnia śledčyja kanfiskavali łyžku i videlec, jakimi złamyśnik karystaŭsia padčas svaich vizitaŭ.
Stałovyja prybory nakiravali dla praviadzieńnia sudovaj miedycynskaj hienietyčnaj ekśpiertyzy. Na łyžcy ekśpierty ŭstanavili najaŭnaść bijałahičnaha materyjału, jaki naležyć mužčynu.
U mai va ŭpraŭleńnie Dziaržaŭnaha kamiteta sudovych ekśpiertyz pa Homielskaj vobłaści na daśledavańnie padali ŭzory bukalnaha epitelija padazravanaha.
U dalejšym pry praviadzieńni hienietyčnaj ekśpiertyzy ekśpierty ŭstanavili tojesnaść hienatypu padazravanaha z hienietyčnymi charaktarystykami bijałahičnaha materyjału na łyžcy, kanfiskavanaj ź miesca złačynstva.
-
U Barysaŭskim rajonie mužčyna zahinuŭ ad udaru tokam pry ŭklučeńni katła
-
«Try dni tamu jaje bačyli ŭ zhrai». Biełaruska pryniesła sabačku na apieracyju ŭ vietkliniku i ŭžo miesiac nie moža jaje znajści
-
Rabotnik minskaj STA tajemna źjeździŭ na čužoj mašynie ŭ Brest pa zapčastki. Usio vyjaviłasia vypadkova
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy9
Kamientary