Łukašenka znajšoŭ jašče adno maciernaje słova, hetym razam u viaskovym handli
Alaksandr Łukašenka siońnia sabraŭ naradu ab efiektyŭnaści sistemy handlovaha absłuhoŭvańnia nasielnictva ŭ maštabach Biełarusi, piša BiełTA.
«My pavinny pryniać usie rašeńni dla taho, kab zabiaśpiečyć narmalnaje žyćcio našych ludziej, i pierš za ŭsio na vioscy. Jak raskazali čynoŭniki, ciapier damy ŭ sielskaj miascovaści pad daču abo dla pastajannaha pražyvańnia ŭsio čaściej pačali nabyvać haradžanie i, što asabliva kaštoŭna, maładyja siemji. «Daj boh, kab heta tak i było, što haradžanie pačali kuplać damy ŭ sielskaj miascovaści, u roznych vioskach, pasieliščach i hetak dalej», — skazaŭ Alaksandr Łukašenka.
Jon źviarnuŭ uvahu, što dla žycharoŭ viosak zakryćcio, naprykład, stacyjanarnaj kramy — heta padzieja, jakaja vyklikaje mnostva prablem. «Naturalna, što ŭ XXI stahodździ strata mahčymaści kupić samaje nieabchodnaje vyklikaje zakanamiernyja pretenzii, — padkreśliŭ jon. — Jašče raz paŭtaraju: zakryćcio kramy ŭ vioscy — heta padobna da vialikaj prablemy dla tych ludziej, što tam žyvuć».
Alaksandr Łukašenka adznačyŭ, što dla čałavieka nie maje značeńnia, čyj abjekt zakryŭsia — pryvatnaha pradprymalnika, kamunalnaj ułasnaści abo sistemy spažyŭkaapieracyi. Tamu ŭradu i abłvykankamam jašče raz było pakazana, što patrebna efiektyŭnaja sistema absłuhoŭvańnia ŭ maštabach krainy, jakaja pavinna stać harantam jakaści i sacyjalnaj adkaznaści handlu pierad ludźmi.
«Zhodna z pradstaŭlenym mnie dakładam urada, vysnovy takija (jak zvyčajna): usio idzie pa płanie, nasielnictva absłuhoŭvajecca na naležnym uzroŭni, ale strymlivajuć raźvićcio handlu niejkija rehulatarnyja barjery. Cikava, što heta za «maciernaje» słova? Znoŭ rehulatarka nie pracuje. Vy, uvohule, chočacca spytać, sami, chto pisaŭ, razumiejecie, što pišacie? Heta, pa-vašamu, hałoŭnyja pieraškody dla pracy sielskich kram? — pastaviŭ pytańnie Łukašenka. — Ja chacieŭ by viedać, chto vam ustaloŭvaje hetyja barjery — rehulatarki, i čamu jany jašče nie likvidavany. Pavodle vašych ža danych, realizujecca niekalki krainavych kancepcyj, stratehij i płanaŭ dla sielskich žycharoŭ. Dyk čamu takija prablemy i niezadavolenaść nasielnictva?»
-
Znojdzieny pad Viciebskam bivień mamanta mahło prynieści tudy tałymi vodami
-
«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
-
Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
[Zredahavana]