Kiraŭnica Lečkamisii raskazała, što lubić pravodzić čas ź siamjoj.
Dyrektarka Respublikanskaha kliničnaha miedcentra pry Upraŭleńni spraŭ Łukašenki i maci Mikałaja Łukašenki Iryna Abielskaja padzialiłasia, jak pravodzić volny čas. Pa jaje słovach, zadavalnieńnie joj prynosiać «vielmi prostyja rečy»:
«Heta siamja, heta dzieci, heta ŭnuk, heta narmalnyja, niachaj i nie takija častyja znosiny ź blizkimi mnie ludźmi»,
— raskazała jana na «Biełaruś 1».
Starejšy syn Abielskaj — aftalmołah Dźmitryj Abielski, jaki pracuje z maci ŭ Lečkamisii. Jaho spadarožnica — płastyčny chirurh Dzina El-Dziefi Fiejsał (pracuje ŭ pryvatnych miedyčnych centrach «Nardzin» i «ŠajnEst» u Minsku).
Sioleta ŭ studzieni, na finalnym kancercie tak zvanaha «Marafonu adzinstva», Abielskaja, jaje starejšy syn sa spadarožnicaj upieršyniu źjavilisia na publicy razam z Alaksandram Łukašenkam.
Abielskaja raskazała taksama, što nie zajmajecca sportam, ale aktyŭnaści joj chapaje.
«Ja nie zajmajusia niejkim vidam sporta, ale «ruch heta žyćcio», tamu svaje 10 000 krokaŭ ja praktyčna štodzionna prachodžu».
Jana taksama naviedvaje Opierny teatr, fiłarmoniju, Teatr lalek, vystavy.
«Imknusia sačyć za navinkami. Kali niejkija ŭ nas prachodziać novyja vystavy, niejkija pryjezdy, kancerty, pa mahčymaści imknusia naviedvać».
Ciapier čytajuć
U źniavoleńni pamior asudžany pa palityčnych artykułach danosčyk i ŭdzielnik akcyj za Łukašenku13
Kamientary