Taćciana Ščytcova pakidaje pasadu daradcy pa adukacyi i navucy ŭ kamandzie Śviatłany Cichanoŭskaj, paviedamiła jana ŭ fejsbuku.
Taćciana Ščytcova adznačyła, što šerah pryčyn nie dazvalaŭ joj dalej plonna vykonvać svaju misiju. Pry hetym jana nazvała apošnija čatyry hady časam «intensiŭnaj pracy», jakaja dała «ŭnikalny palityčny i hramadzianski dośvied».
Ščytcova adznačyła, što mižnarodnaja padtrymka i supracoŭnictva z roznymi hramadskimi arhanizacyjami dapamahli zrabić šmat važnaha dla biełaruskaj adukacyi i navuki. Pa jaje mierkavańni, adukacyja — adzin z hałoŭnych pakazčykaŭ sučasnaści i demakratyčnaści hramadstva i dziaržavy, a biełaruski narod vałodaje vialikim intelektualnym patencyjałam dla stvareńnia sapraŭdnaj «supolnaści viedaŭ».
Śviatłana Cichanoŭskaja, kamientujučy adstaŭku Ščytcovaj, adznačyła, što jana ŭniesła vialiki ŭkład u dapamohu biełaruskim vykładčykam i studentam, jakija paciarpieli ad režymu, šukała mižnarodnuju padtrymku dla navukoŭcaŭ i sadziejničała raźvićciu biełaruskamoŭnaj adukacyi dla dziaciej u emihracyi. Cichanoŭskaja padziakavała byłoj supracoŭnicy i adznačyła, što heta praca patrabavała mudraści i nastojlivaści.
Taćciana Ščytcova — prafiesarka akademičnaha departamienta sacyjalnych navuk Jeŭrapiejskaha humanitarnaha ŭniviersiteta. U 2024 hodzie jana vypuściła knihu «Salidarnaść uzrušanych. Ese pra biełaruskuju revalucyju».
Aleś Alachnovič pakidaje kamandu Cichanoŭskaj
«Vźviejtieś kostrami» ŭ inšaj formie viarnułasia ŭ škoły». Što ciapier adbyvajecca ŭ biełaruskaj adukacyi?
Cichanoŭskaja sustreniecca ź ministrami zamiežnych spraŭ ES
U vieraśni ŭ Polščy projdzie Kanhres pa palitźniavolenych u Biełarusi
«Bieź niezaležnaści niama svabody i niama budučyni». Cichanoŭskaja pavinšavała biełarusaŭ z Dniom abviaščeńnia niezaležnaści
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
[Zredahavana]