Śviatłana Cichanoŭskaja paviedamiła pra źmieny ŭ svajoj kamandzie: daradca pa ekanomicy Aleś Alachnovič zaviaršyŭ pracu ŭ Ofisie pa asabistych abstavinach.
«Aleś Alachnovič dałučyŭsia da našaj kamandy ŭ 2020 hodzie i zabiaśpiečyŭ našu pracu pa ekanamičnych pytańniach na prafiesijnym uzroŭni. Jon abjadnaŭ bolš za 60 viadomych ekanamistaŭ z roznych krain, kaardynavaŭ pracu z analityčnymi centrami, dapamahaŭ raspracoŭvać prahramy reformaŭ — ad finansavaj stabilnaści da zialonaj ekanomiki, pracavaŭ nad Stratehijaj pierachodu da Novaj Biełarusi. Zaraz Aleś cychodzić pa asabistych abstavinach. Ja vielmi ŭdziačnaja jamu za piać hod sumiesnaj pracy. I ščyra ŭpeŭniena, što jaho dośvied, prafiesijanalizm i enierhija buduć abaviazkova vykarystany dla raźvićcia ekanomiki ŭ Novaj Biełarusi», — pryvodzić słovy Cichanoŭskaj jaje pres-słužba.
Alachnovič skazaŭ, što dla jaho byŭ vialiki honar być karysnym svajmu narodu ŭ składany histaryčny momant: «Piać hadoŭ vialikaj adkaznaści i składanych vyklikaŭ, ale i čas natchnieńnia — znajomstva ź vialikim kołam talenavitych ludziej, ad jakich ja šmat čamu navučyŭsia».
Jon padziakavavaŭ kaleham z Ofisa i ekanamičnaj kamandy, a taksama partnioram, ŚMI, dyjasparam, uradam i mižnarodnym instytutam, z kim supracoŭničaŭ.
«Razam nam udałosia zrabić niamała. Ja ni na chvilinu nie sumniajusia, što praŭda i pieramoha buduć za nami. My abaviazkova pabačymsia ŭ Novaj Biełarusi!» — dadaŭ jon.
Na Kanfierencyi «Novaja Biełaruś» była pradstaŭlena novaja kiraŭnica pa ekanomicy i finansach u Abjadnanym pierachodnym kabiniecie — Alisa Ryžyčenka.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Što ty zrabiŭ dla Biełarusi za hetyja 5 hadoŭ, aproč adkryćcia sumna viadomaj ABBY z samaj pryhožaj paraj biełaruskaj apazicyi Hiryn i Burym? Kolki HROŠAJ ty pryciahnuŭ dla biełarusaŭ, jak ty dapamoh našym biznesoŭcam?