«Alimavič! U nas Pulva!» Mer biełaruskaha horada pierabłytaŭ nazvu adzinaj raki, jakaja praź jaho ciače
U horadzie Vysokaje Kamianieckaha rajona (samym zachodnim horadzie Biełarusi) uźnikła hučnaja historyja, źviazanaja z adzinaj miascovaj rakoj — Pulvaj. Pry razmovie ź miascovym błohieram kiraŭnik haradskoha vykanaŭčaha kamiteta Dźmitryj Zajcaŭ pamyłkova nazvaŭ jaje «Lasnoj». Heta vyklikała burnuju reakcyju žycharoŭ, piša BGMedia.
Videa intervju nabrała dziasiatki tysiač prahladaŭ za niekalki dzion. U kamientaryjach da jaho šmat haradžan vypraŭlali čynoŭnika, nahadvajučy, što miascovaja rečka zaŭsiody nazyvałasia Pulvaj i inšaj nazvy nie mieła.
U kamientataraŭ možna było sustreć jak žarty kštałtu: «Alimavič! U nas Pulva!», tak i surjoznyja patrabavańni narešcie zaniacca čystkaj zarosłaha rečyšča raki.
Na videa błohier akurat i razmaŭlaŭ z čynoŭnikam pra stan raki. Miascovyja žychary aburalisia, što rečyšča Pulvy mocna zarasło i adznačali, što čynoŭniki nie robiać abiacanuju ačystku navat padčas subotnikaŭ, choć nibyta pra heta i zajaŭlajuć.
Dziela vyrašeńnia prablemy kamientatary prapanoŭvali prymianić śpiecyjalnuju techniku, pierakryć abvadny kanał, pastavić dambu i całkam ačyścić raku, a prostyja subotniki, maŭlaŭ, nie dajuć efiektu, navat kali padčas ich što i robicca. Mnohija adznačali, što ŭ race nazirajecca masavaja hibiel ryby, a najaŭnaja na joj damba zaniadbanaja.
Prablemu zarosłaha rečyšča Pulvy ŭžo padymali ŭ horadzie ŭ 2021 hodzie. Tady miascovaja rajonka pisała, što rečyšča miescami nastolki vuzkaje, što jaho ź bieraha amal nie vidać. Padkreślivałasia, što čystka i dohlad za rakoj patrabujuć niemałych finansavych srodkaŭ, ale možna było b pryciahnuć miascovych mužčyn choć by padčas subotnikaŭ, kab ačyścić bierahi ad raślinnaści.
Eks-staršynia harvykankama Alaksandr Rahalčuk tady tłumačyŭ, što čystka raki zaležyć nibyta ad pryciahnieńnia da vykanańnia hetaj zadačy asob, asudžanych na hramadskija raboty. I prablema ŭ tym, što ŭ 2021 hodzie takich ludziej u Vysokim, maŭlaŭ, nie było, choć jany mahli b stać vyrašalnym resursam dla prybirańnia.
Što da nazvy raki, to nie tolki haradžanie, ale navat lubyja karty vyrazna śviedčać, što ŭ horadzie Vysokaje ciače tolki Pulva — jana dzielić horad na dźvie častki i ŭpadaje ŭ Buh. Raka pad nazvaj Lasnaja znachodzicca značna paŭdnioviej — jana ciače praz Pružanski i Kamianiecki rajony, ale da Vysokaha nie dachodzić.
Takim čynam, Dźmitryj Zajcaŭ pierabłytaŭ dźvie roznyja reki, jakija praciakajuć paralelna, ale nie pierasiakajucca. Što dziŭna, tamu što čynoŭnik nie prysłany adniekul niadaŭna, a žyvie ŭ Vysokim užo nie mienš za dva dziasiatki hadoŭ.
Miascovyja žychary adznačajuć, što heta nie prosta kurjoznaja hieahrafičnaja pamyłka. Jany bačać u joj simvał bolš hłybokaj prablemy: addalenaści ŭładaŭ ad realnaha žyćcia horada.
Zarosłaje rečyšča, niavykananyja raboty pa ačystcy i absłuhoŭvańni, adsutnaść uvahi da realnych patreb žycharoŭ — usio heta vyklikaje abureńnie i niedavier da kiraŭnictva horada. Ludzi paraŭnoŭvajuć situacyju z kłasičnymi biurakratyčnymi absurdami, kali čynoŭniki nie viedajuć navat nazvaŭ asnoŭnych abjektaŭ horada, jakim kirujuć.
«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?
Kapiec-haradok i ŭsie-ŭsie-ŭsie — top-7 samych małych haradoŭ Biełarusi FOTY
Syr padaražeŭ, pakul pakupnica dajšła da kasy
«Heta kałonija dla niepaŭnaletnich, a nie škoła!» Baćki školnikaŭ aburajucca zabaronaj na smart-hadzińniki
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
Što jany pryčapilisia da jaho? Chutka ŭžo subota, jamu na rybałku choć možna źjeździć, adpačyć u svoj zakonny vychadny, prynamsi.