Fiederalny kancler Hiermanii Frydrych Mierc zajaviŭ, što sistema sacyjalnaj dziaržavy ŭ jaje ciapierašnim vyhladzie stała finansava niežyćciazdolnaj. Pavodle prajekta biudžetu Hiermanii na 2026 hod, deficyt składaje kala 30 miljardaŭ jeŭra. CHDS/CHSS i SDPH, jakija ŭvachodziać u kiroŭnuju kaalicyju, zhodnyja z patrebaj reformaŭ, ale prapanujuć roznyja šlachi ich praviadzieńnia, paviedamlaje Euronews.
Frydrych Mierc padkreśliŭ, što jon nie dapuścić pavyšeńnia padatkaŭ, jakoje prasoŭvajuć sacyjał-demakraty, bo heta stvoryć dadatkovy cisk na siaredni kłas. Zamiest hetaha jon prapanuje pierahlad mihracyjnaj palityki: pryciahnieńnie pracoŭnych mihrantaŭ zamiest tych, chto šukaje sacyjalnuju dapamohu.
Jon adznačyŭ, što kolkaść chadajnictvaŭ ab prytułku ŭžo źniziłasia, što paćviardžaje pravilnaść uziataha kursu.
Sacyjał-demakraty, u svaju čarhu, nastojvajuć, što skaračeńnie sacyjalnych vypłat niedapuščalnaje.
Lidar maładziožnaha kryła partyi Filip Ciurmier zajaviŭ, što heta «čyrvonaja linija», pierachodzić jakuju nielha. Hienieralny sakratar SDPH Cim Klusendorf navat nazvaŭ zajavy Mierca bolš rytualnaj rytorykaj dla źjezda CHDS, čym realnym płanam.
Debaty zaśviedčyli, što partniory pa ŭradavaj kaalicyi pakul nie hatovyja da surjoznaha kampramisu. Sam Mierc pryznaŭ, što ŭsich «vosieńniu čakaje ciažkaja praca» i zaklikaŭ jak sajuźnikaŭ, tak i ŭłasnych adnapartyjcaŭ havaryć pamiž saboj, a nie tolki krytykavać adzin adnaho.
Ultrapravyja ŭ Hiermanii apiaredzili błok Mierca pa papularnaści
Hiermanija zamaroziła ekspart zbroi ŭ Izrail u adkaz na płany akupavać siektar Haza
U Hiermanii rychtujuć skaračeńni sacyjalnych vypłat: biespracoŭnyja žyvuć lepš za tych, chto pracuje
Mierc zmoh pierakanać Trampa pry dapamozie «dypłamatyi čekavych knižak»
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary
Niemcam posobija sokratiat, mihrantam ostaviat!